פסוקים על Malice

תסתירני מסוד מרעים מרגשת פעלי און׃

אשר שננו כחרב לשונם דרכו חצם דבר מר׃

לירות במסתרים תם פתאם ירהו ולא ייראו׃

יחזקו למו דבר רע יספרו לטמון מוקשים אמרו מי יראה למו׃

יחפשו עולת תמנו חפש מחפש וקרב איש ולב עמק׃

ואבכה בצום נפשי ותהי לחרפות לי׃

ואתנה לבושי שק ואהי להם למשל׃

ישיחו בי ישבי שער ונגינות שותי שכר׃

יבשו ויחפרו מבקשי נפשי יסגו אחור ויכלמו חפצי רעתי׃

ישובו על עקב בשתם האמרים האח האח׃

כי אמרו אויבי לי ושמרי נפשי נועצו יחדו׃

לאמר אלהים עזבו רדפו ותפשוהו כי אין מציל׃

כי פי רשע ופי מרמה עלי פתחו דברו אתי לשון שקר׃

ודברי שנאה סבבוני וילחמוני חנם׃

תחת אהבתי ישטנוני ואני תפלה׃

וישימו עלי רעה תחת טובה ושנאה תחת אהבתי׃

יען אשר לא זכר עשות חסד וירדף איש עני ואביון ונכאה לבב למותת׃

ויאהב קללה ותבואהו ולא חפץ בברכה ותרחק ממנו׃

וילבש קללה כמדו ותבא כמים בקרבו וכשמן בעצמותיו׃

¶ למנצח מזמור לדוד חלצני יהוה מאדם רע מאיש חמסים תנצרני׃

אשר חשבו רעות בלב כל יום יגורו מלחמות׃

שננו לשונם כמו נחש חמת עכשוב תחת שפתימו סלה׃

שמרני יהוה מידי רשע מאיש חמסים תנצרני אשר חשבו לדחות פעמי׃

כי לא ישנו אם לא ירעו ונגזלה שנתם אם לא יכשולו׃

כי לחמו לחם רשע ויין חמסים ישתו׃