פסוקים על Malice

לא תשנא את אחיך בלבבך הוכח תוכיח את עמיתך ולא תשא עליו חטא׃

לא תקם ולא תטר את בני עמך ואהבת לרעך כמוך אני יהוה׃

ארור מסיג גבול רעהו ואמר כל העם אמן׃

ארור משגה עור בדרך ואמר כל העם אמן׃

כי מגפן סדם גפנם ומשדמת עמרה ענבמו ענבי רוש אשכלת מררת למו׃

חמת תנינם יינם וראש פתנים אכזר׃

ויהי שאול עון את דוד מהיום ההוא והלאה׃

ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאול׃

ויטל שאול את החנית ויאמר אכה בדוד ובקיר ויסב דוד מפניו פעמים׃

והשמעה באה עד יואב כי יואב נטה אחרי אדניה ואחרי אבשלום לא נטה וינס יואב אל אהל יהוה ויחזק בקרנות המזבח׃

ויגד למלך שלמה כי נס יואב אל אהל יהוה והנה אצל המזבח וישלח שלמה את בניהו בן יהוידע לאמר לך פגע בו׃

ויבא בניהו אל אהל יהוה ויאמר אליו כה אמר המלך צא ויאמר לא כי פה אמות וישב בניהו את המלך דבר לאמר כה דבר יואב וכה ענני׃

ויאמר לו המלך עשה כאשר דבר ופגע בו וקברתו והסירת דמי חנם אשר שפך יואב מעלי ומעל בית אבי׃

והשיב יהוה את דמו על ראשו אשר פגע בשני אנשים צדקים וטבים ממנו ויהרגם בחרב ואבי דוד לא ידע את אבנר בן נר שר צבא ישראל ואת עמשא בן יתר שר צבא יהודה׃

ושבו דמיהם בראש יואב ובראש זרעו לעלם ולדוד ולזרעו ולביתו ולכסאו יהיה שלום עד עולם מעם יהוה׃

ויאמר מלך ישראל אל אלישע כראתו אותם האכה אכה אבי׃

ויאמר לא תכה האשר שבית בחרבך ובקשתך אתה מכה שים לחם ומים לפניהם ויאכלו וישתו וילכו אל אדניהם׃

אם אשמח בפיד משנאי והתעררתי כי מצאו רע׃

ולא נתתי לחטא חכי לשאל באלה נפשו׃

הנה יחבל און והרה עמל וילד שקר׃

בור כרה ויחפרהו ויפל בשחת יפעל׃

ישוב עמלו בראשו ועל קדקדו חמסו ירד׃

אלה פיהו מלא ומרמות ותך תחת לשונו עמל ואון׃

ישב במארב חצרים במסתרים יהרג נקי עיניו לחלכה יצפנו׃

יארב במסתר כאריה בסכה יארב לחטוף עני יחטף עני במשכו ברשתו׃