פסוקים על Integrity

אם הניפותי על יתום ידי כי אראה בשער עזרתי׃

כתפי משכמה תפול ואזרעי מקנה תשבר׃

כי פחד אלי איד אל ומשאתו לא אוכל׃

אם שמתי זהב כסלי ולכתם אמרתי מבטחי׃

אם אשמח כי רב חילי וכי כביר מצאה ידי׃

אם אראה אור כי יהל וירח יקר הלך׃

ויפת בסתר לבי ותשק ידי לפי׃

גם הוא עון פלילי כי כחשתי לאל ממעל׃

אם אשמח בפיד משנאי והתעררתי כי מצאו רע׃

ולא נתתי לחטא חכי לשאל באלה נפשו׃

אם לא אמרו מתי אהלי מי יתן מבשרו לא נשבע׃

בחוץ לא ילין גר דלתי לארח אפתח׃

אם כסיתי כאדם פשעי לטמון בחבי עוני׃

כי אערוץ המון רבה ובוז משפחות יחתני ואדם לא אצא פתח׃

מי יתן לי שמע לי הן תוי שדי יענני וספר כתב איש ריבי׃

אם לא על שכמי אשאנו אענדנו עטרות לי׃

מספר צעדי אגידנו כמו נגיד אקרבנו׃

אם עלי אדמתי תזעק ויחד תלמיה יבכיון׃

אם כחה אכלתי בלי כסף ונפש בעליה הפחתי׃

תחת חטה יצא חוח ותחת שערה באשה תמו דברי איוב׃

יהוה אלהי אם עשיתי זאת אם יש עול בכפי׃

אם גמלתי שולמי רע ואחלצה צוררי ריקם׃

ירדף אויב נפשי וישג וירמס לארץ חיי וכבודי לעפר ישכן סלה׃

¶ מזמור לדוד יהוה מי יגור באהלך מי ישכן בהר קדשך׃

הולך תמים ופעל צדק ודבר אמת בלבבו׃