פסוקים על Idolatry

447 פסוקים · 205 היבטים

פסוקי מפתח

סינון לפי ספר
  1. יְשַׁעְיָהוּ מ״ד:י״ג

    חרש עצים נטה קו יתארהו בשרד יעשהו במקצעות ובמחוגה יתארהו ויעשהו כתבנית איש כתפארת אדם לשבת בית׃

  2. יְשַׁעְיָהוּ מ״ד:י״ד

    לכרת לו ארזים ויקח תרזה ואלון ויאמץ לו בעצי יער נטע ארן וגשם יגדל׃

  3. יְשַׁעְיָהוּ מ״ד:ט״ו

    והיה לאדם לבער ויקח מהם ויחם אף ישיק ואפה לחם אף יפעל אל וישתחו עשהו פסל ויסגד למו׃

  4. יְשַׁעְיָהוּ מ״ד:ט״ז

    חציו שרף במו אש על חציו בשר יאכל יצלה צלי וישבע אף יחם ויאמר האח חמותי ראיתי אור׃

  5. יְשַׁעְיָהוּ מ״ד:י״ז

    ושאריתו לאל עשה לפסלו יסגוד לו וישתחו ויתפלל אליו ויאמר הצילני כי אלי אתה׃

  6. יְשַׁעְיָהוּ מ״ד:י״ח

    לא ידעו ולא יבינו כי טח מראות עיניהם מהשכיל לבתם׃

  7. יְשַׁעְיָהוּ מ״ד:י״ט

    ולא ישיב אל לבו ולא דעת ולא תבונה לאמר חציו שרפתי במו אש ואף אפיתי על גחליו לחם אצלה בשר ואכל ויתרו לתועבה אעשה לבול עץ אסגוד׃

  8. יְשַׁעְיָהוּ מ״ד:כ׳

    רעה אפר לב הותל הטהו ולא יציל את נפשו ולא יאמר הלוא שקר בימיני׃

  9. יְשַׁעְיָהוּ מ״ו:א׳

    ¶ כרע בל קרס נבו היו עצביהם לחיה ולבהמה נשאתיכם עמוסות משא לעיפה׃

  10. יְשַׁעְיָהוּ מ״ו:ב׳

    קרסו כרעו יחדו לא יכלו מלט משא ונפשם בשבי הלכה׃

  11. יְשַׁעְיָהוּ מ״ו:ו׳

    הזלים זהב מכיס וכסף בקנה ישקלו ישכרו צורף ויעשהו אל יסגדו אף ישתחוו׃

  12. יְשַׁעְיָהוּ מ״ו:ז׳

    ישאהו על כתף יסבלהו ויניחהו תחתיו ויעמד ממקומו לא ימיש אף יצעק אליו ולא יענה מצרתו לא יושיענו׃

  13. יְשַׁעְיָהוּ מ״ז:י״ב

    עמדי נא בחבריך וברב כשפיך באשר יגעת מנעוריך אולי תוכלי הועיל אולי תערוצי׃

  14. יְשַׁעְיָהוּ מ״ז:י״ג

    נלאית ברב עצתיך יעמדו נא ויושיעך הברו שמים החזים בכוכבים מודיעם לחדשים מאשר יבאו עליך׃

  15. יְשַׁעְיָהוּ מ״ז:י״ד

    הנה היו כקש אש שרפתם לא יצילו את נפשם מיד להבה אין גחלת לחמם אור לשבת נגדו׃

  16. יְשַׁעְיָהוּ מ״ז:ט״ו

    כן היו לך אשר יגעת סחריך מנעוריך איש לעברו תעו אין מושיעך׃

  17. יְשַׁעְיָהוּ נ״ז:ג׳

    ואתם קרבו הנה בני עננה זרע מנאף ותזנה׃

  18. יְשַׁעְיָהוּ נ״ז:ד׳

    על מי תתענגו על מי תרחיבו פה תאריכו לשון הלוא אתם ילדי פשע זרע שקר׃

  19. יְשַׁעְיָהוּ נ״ז:ה׳

    הנחמים באלים תחת כל עץ רענן שחטי הילדים בנחלים תחת סעפי הסלעים׃

  20. יְשַׁעְיָהוּ נ״ז:ו׳

    בחלקי נחל חלקך הם הם גורלך גם להם שפכת נסך העלית מנחה העל אלה אנחם׃

  21. יְשַׁעְיָהוּ נ״ז:ז׳

    על הר גבה ונשא שמת משכבך גם שם עלית לזבח זבח׃

  22. יְשַׁעְיָהוּ נ״ז:ח׳

    ואחר הדלת והמזוזה שמת זכרונך כי מאתי גלית ותעלי הרחבת משכבך ותכרת לך מהם אהבת משכבם יד חזית׃

  23. יְשַׁעְיָהוּ נ״ז:ט׳

    ותשרי למלך בשמן ותרבי רקחיך ותשלחי צריך עד מרחק ותשפילי עד שאול׃

  24. יְשַׁעְיָהוּ נ״ז:י׳

    ברב דרכך יגעת לא אמרת נואש חית ידך מצאת על כן לא חלית׃

  25. יְשַׁעְיָהוּ נ״ז:י״א

    ואת מי דאגת ותיראי כי תכזבי ואותי לא זכרת לא שמת על לבך הלא אני מחשה ומעלם ואותי לא תיראי׃