פסוקים על Idolatry

447 פסוקים · 205 היבטים

פסוקי מפתח

סינון לפי ספר
  1. יִרְמְיָהוּ ה׳:ד׳

    ואני אמרתי אך דלים הם נואלו כי לא ידעו דרך יהוה משפט אלהיהם׃

  2. יִרְמְיָהוּ ה׳:ה׳

    אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו על נתקו מוסרות׃

  3. יִרְמְיָהוּ ה׳:ו׳

    על כן הכם אריה מיער זאב ערבות ישדדם נמר שקד על עריהם כל היוצא מהנה יטרף כי רבו פשעיהם עצמו משבותיהם׃

  4. יִרְמְיָהוּ ה׳:ז׳

    אי לזאת אסלוח לך בניך עזבוני וישבעו בלא אלהים ואשבע אותם וינאפו ובית זונה יתגדדו׃

  5. יִרְמְיָהוּ ה׳:ח׳

    סוסים מיזנים משכים היו איש אל אשת רעהו יצהלו׃

  6. יִרְמְיָהוּ ה׳:ט׳

    העל אלה לוא אפקד נאם יהוה ואם בגוי אשר כזה לא תתנקם נפשי׃

  7. יִרְמְיָהוּ ה׳:י׳

    עלו בשרותיה ושחתו וכלה אל תעשו הסירו נטישותיה כי לוא ליהוה המה׃

  8. יִרְמְיָהוּ ה׳:י״א

    כי בגוד בגדו בי בית ישראל ובית יהודה נאם יהוה׃

  9. יִרְמְיָהוּ ה׳:י״ב

    כחשו ביהוה ויאמרו לא הוא ולא תבוא עלינו רעה וחרב ורעב לוא נראה׃

  10. יִרְמְיָהוּ ה׳:י״ג

    והנביאים יהיו לרוח והדבר אין בהם כה יעשה להם׃

  11. יִרְמְיָהוּ ה׳:י״ד

    לכן כה אמר יהוה אלהי צבאות יען דברכם את הדבר הזה הנני נתן דברי בפיך לאש והעם הזה עצים ואכלתם׃

  12. יִרְמְיָהוּ ה׳:ט״ו

    הנני מביא עליכם גוי ממרחק בית ישראל נאם יהוה גוי איתן הוא גוי מעולם הוא גוי לא תדע לשנו ולא תשמע מה ידבר׃

  13. יִרְמְיָהוּ ה׳:ט״ז

    אשפתו כקבר פתוח כלם גבורים׃

  14. יִרְמְיָהוּ ה׳:י״ז

    ואכל קצירך ולחמך יאכלו בניך ובנותיך יאכל צאנך ובקרך יאכל גפנך ותאנתך ירשש ערי מבצריך אשר אתה בוטח בהנה בחרב׃

  15. יִרְמְיָהוּ ח׳:א׳

    ¶ בעת ההיא נאם יהוה ויציאו את עצמות מלכי יהודה ואת עצמות שריו ואת עצמות הכהנים ואת עצמות הנביאים ואת עצמות יושבי ירושלם מקבריהם׃

  16. יִרְמְיָהוּ ח׳:ב׳

    ושטחום לשמש ולירח ולכל צבא השמים אשר אהבום ואשר עבדום ואשר הלכו אחריהם ואשר דרשום ואשר השתחוו להם לא יאספו ולא יקברו לדמן על פני האדמה יהיו׃

  17. יִרְמְיָהוּ י׳:ג׳

    כי חקות העמים הבל הוא כי עץ מיער כרתו מעשה ידי חרש במעצד׃

  18. יִרְמְיָהוּ י׳:ד׳

    בכסף ובזהב ייפהו במסמרות ובמקבות יחזקום ולוא יפיק׃

  19. יִרְמְיָהוּ י׳:ה׳

    כתמר מקשה המה ולא ידברו נשוא ינשוא כי לא יצעדו אל תיראו מהם כי לא ירעו וגם היטיב אין אותם׃

  20. יִרְמְיָהוּ י׳:ו׳

    מאין כמוך יהוה גדול אתה וגדול שמך בגבורה׃

  21. יִרְמְיָהוּ י׳:ז׳

    מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃

  22. יִרְמְיָהוּ י׳:ח׳

    ובאחת יבערו ויכסלו מוסר הבלים עץ הוא׃

  23. יִרְמְיָהוּ י׳:ט׳

    כסף מרקע מתרשיש יובא וזהב מאופז מעשה חרש וידי צורף תכלת וארגמן לבושם מעשה חכמים כלם׃

  24. יִרְמְיָהוּ י׳:י׳

    ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

  25. יִרְמְיָהוּ י׳:י״א

    כדנה תאמרון להום אלהיא די שמיא וארקא לא עבדו יאבדו מארעא ומן תחות שמיא אלה׃