פסוקים על Idolatry

447 פסוקים · 205 היבטים

פסוקי מפתח

יִרְמְיָהוּ י׳:י״ב
עשה ארץ בכחו מכין תבל בחכמתו ובתבונתו נטה שמים׃
יִרְמְיָהוּ י׳:י״ג
לקול תתו המון מים בשמים ויעלה נשאים מקצה ארץ ברקים למטר עשה ויוצא רוח מאצרתיו׃
יִרְמְיָהוּ י׳:י״ד
נבער כל אדם מדעת הביש כל צורף מפסל כי שקר נסכו ולא רוח בם׃
יִרְמְיָהוּ י׳:ט״ו
הבל המה מעשה תעתעים בעת פקדתם יאבדו׃
יִרְמְיָהוּ י׳:ט״ז
לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃
יִרְמְיָהוּ י״ג:ט׳
כה אמר יהוה ככה אשחית את גאון יהודה ואת גאון ירושלם הרב׃
יִרְמְיָהוּ י״ג:י׳
העם הזה הרע המאנים לשמוע את דברי ההלכים בשררות לבם וילכו אחרי אלהים אחרים לעבדם ולהשתחות להם ויהי כאזור הזה אשר לא יצלח לכל׃
יִרְמְיָהוּ י״ג:י״א
כי כאשר ידבק האזור אל מתני איש כן הדבקתי אלי את כל בית ישראל ואת כל בית יהודה נאם יהוה להיות לי לעם ולשם ולתהלה ולתפארת ולא שמעו׃
יִרְמְיָהוּ י״ג:י״ב
ואמרת אליהם את הדבר הזה כה אמר יהוה אלהי ישראל כל נבל ימלא יין ואמרו אליך הידע לא נדע כי כל נבל ימלא יין׃
יִרְמְיָהוּ י״ג:י״ג
ואמרת אליהם כה אמר יהוה הנני ממלא את כל ישבי הארץ הזאת ואת המלכים הישבים לדוד על כסאו ואת הכהנים ואת הנביאים ואת כל ישבי ירושלם שכרון׃
יִרְמְיָהוּ י״ג:י״ד
ונפצתים איש אל אחיו והאבות והבנים יחדו נאם יהוה לא אחמול ולא אחוס ולא ארחם מהשחיתם׃
יִרְמְיָהוּ י״ג:ט״ו
שמעו והאזינו אל תגבהו כי יהוה דבר׃
יִרְמְיָהוּ י״ג:ט״ז
תנו ליהוה אלהיכם כבוד בטרם יחשך ובטרם יתנגפו רגליכם על הרי נשף וקויתם לאור ושמה לצלמות ישית לערפל׃
יִרְמְיָהוּ י״ג:י״ז
ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוה׃
יִרְמְיָהוּ י״ג:י״ח
אמר למלך ולגבירה השפילו שבו כי ירד מראשותיכם עטרת תפארתכם׃
יִרְמְיָהוּ י״ג:י״ט
ערי הנגב סגרו ואין פתח הגלת יהודה כלה הגלת שלומים׃
יִרְמְיָהוּ י״ג:כ׳
שאי עיניכם וראי הבאים מצפון איה העדר נתן לך צאן תפארתך׃
יִרְמְיָהוּ י״ג:כ״א
מה תאמרי כי יפקד עליך ואת למדת אתם עליך אלפים לראש הלוא חבלים יאחזוך כמו אשת לדה׃
יִרְמְיָהוּ י״ג:כ״ב
וכי תאמרי בלבבך מדוע קראני אלה ברב עונך נגלו שוליך נחמסו עקביך׃
יִרְמְיָהוּ י״ג:כ״ג
היהפך כושי עורו ונמר חברברתיו גם אתם תוכלו להיטיב למדי הרע׃
יִרְמְיָהוּ י״ג:כ״ד
ואפיצם כקש עובר לרוח מדבר׃
יִרְמְיָהוּ י״ג:כ״ה
זה גורלך מנת מדיך מאתי נאם יהוה אשר שכחת אותי ותבטחי בשקר׃
יִרְמְיָהוּ י״ג:כ״ו
וגם אני חשפתי שוליך על פניך ונראה קלונך׃
יִרְמְיָהוּ י״ג:כ״ז
נאפיך ומצהלותיך זמת זנותך על גבעות בשדה ראיתי שקוציך אוי לך ירושלם לא תטהרי אחרי מתי עד׃
יִרְמְיָהוּ ט״ז:א׳
¶ ויהי דבר יהוה אלי לאמר׃

מציג 226–250 מתוך 447 פסוקים

הקודם 1...8 9 10 11 12...18 הבא