פסוקים על Idolatry

447 פסוקים · 205 היבטים

פסוקי מפתח

יִרְמְיָהוּ ט״ז:ב׳
לא תקח לך אשה ולא יהיו לך בנים ובנות במקום הזה׃
יִרְמְיָהוּ ט״ז:ג׳
כי כה אמר יהוה על הבנים ועל הבנות הילודים במקום הזה ועל אמתם הילדות אותם ועל אבותם המולדים אותם בארץ הזאת׃
יִרְמְיָהוּ ט״ז:ד׳
ממותי תחלאים ימתו לא יספדו ולא יקברו לדמן על פני האדמה יהיו ובחרב וברעב יכלו והיתה נבלתם למאכל לעוף השמים ולבהמת הארץ׃
יִרְמְיָהוּ ט״ז:ה׳
כי כה אמר יהוה אל תבוא בית מרזח ואל תלך לספוד ואל תנד להם כי אספתי את שלומי מאת העם הזה נאם יהוה את החסד ואת הרחמים׃
יִרְמְיָהוּ ט״ז:ו׳
ומתו גדלים וקטנים בארץ הזאת לא יקברו ולא יספדו להם ולא יתגדד ולא יקרח להם׃
יִרְמְיָהוּ ט״ז:ז׳
ולא יפרסו להם על אבל לנחמו על מת ולא ישקו אותם כוס תנחומים על אביו ועל אמו׃
יִרְמְיָהוּ ט״ז:ח׳
ובית משתה לא תבוא לשבת אותם לאכל ולשתות׃
יִרְמְיָהוּ ט״ז:ט׳
כי כה אמר יהוה צבאות אלהי ישראל הנני משבית מן המקום הזה לעיניכם ובימיכם קול ששון וקול שמחה קול חתן וקול כלה׃
יִרְמְיָהוּ ט״ז:י׳
והיה כי תגיד לעם הזה את כל הדברים האלה ואמרו אליך על מה דבר יהוה עלינו את כל הרעה הגדולה הזאת ומה עוננו ומה חטאתנו אשר חטאנו ליהוה אלהינו׃
יִרְמְיָהוּ ט״ז:י״א
ואמרת אליהם על אשר עזבו אבותיכם אותי נאם יהוה וילכו אחרי אלהים אחרים ויעבדום וישתחוו להם ואתי עזבו ואת תורתי לא שמרו׃
יִרְמְיָהוּ ט״ז:י״ט
יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל׃
יִרְמְיָהוּ ט״ז:כ׳
היעשה לו אדם אלהים והמה לא אלהים׃
יִרְמְיָהוּ י״ז:א׳
¶ חטאת יהודה כתובה בעט ברזל בצפרן שמיר חרושה על לוח לבם ולקרנות מזבחותיכם׃
יִרְמְיָהוּ י״ז:ב׳
כזכר בניהם מזבחותם ואשריהם על עץ רענן על גבעות הגבהות׃
יִרְמְיָהוּ י״ז:ג׳
הררי בשדה חילך כל אוצרותיך לבז אתן במתיך בחטאת בכל גבוליך׃
יִרְמְיָהוּ י״ז:ד׳
ושמטתה ובך מנחלתך אשר נתתי לך והעבדתיך את איביך בארץ אשר לא ידעת כי אש קדחתם באפי עד עולם תוקד׃
יִרְמְיָהוּ י״ז:ה׳
כה אמר יהוה ארור הגבר אשר יבטח באדם ושם בשר זרעו ומן יהוה יסור לבו׃
יִרְמְיָהוּ י״ז:ו׳
והיה כערער בערבה ולא יראה כי יבוא טוב ושכן חררים במדבר ארץ מלחה ולא תשב׃
יִרְמְיָהוּ י״ח:י״ג
לכן כה אמר יהוה שאלו נא בגוים מי שמע כאלה שעררת עשתה מאד בתולת ישראל׃
יִרְמְיָהוּ י״ח:י״ד
היעזב מצור שדי שלג לבנון אם ינתשו מים זרים קרים נוזלים׃
יִרְמְיָהוּ י״ח:ט״ו
כי שכחני עמי לשוא יקטרו ויכשלום בדרכיהם שבילי עולם ללכת נתיבות דרך לא סלולה׃
יִרְמְיָהוּ י״ט:א׳
¶ כה אמר יהוה הלוך וקנית בקבק יוצר חרש ומזקני העם ומזקני הכהנים׃
יִרְמְיָהוּ י״ט:ב׳
ויצאת אל גיא בן הנם אשר פתח שער החרסות וקראת שם את הדברים אשר אדבר אליך׃
יִרְמְיָהוּ י״ט:ג׳
ואמרת שמעו דבר יהוה מלכי יהודה וישבי ירושלם כה אמר יהוה צבאות אלהי ישראל הנני מביא רעה על המקום הזה אשר כל שמעה תצלנה אזניו׃
יִרְמְיָהוּ י״ט:ד׳
יען אשר עזבני וינכרו את המקום הזה ויקטרו בו לאלהים אחרים אשר לא ידעום המה ואבותיהם ומלכי יהודה ומלאו את המקום הזה דם נקים׃

מציג 251–275 מתוך 447 פסוקים

הקודם 1...9 10 11 12 13...18 הבא