פסוקים על Idolatry

447 פסוקים · 205 היבטים

פסוקי מפתח

סינון לפי ספר
  1. יְשַׁעְיָהוּ מ׳:י״ב

    מי מדד בשעלו מים ושמים בזרת תכן וכל בשלש עפר הארץ ושקל בפלס הרים וגבעות במאזנים׃

  2. יְשַׁעְיָהוּ מ׳:י״ג

    מי תכן את רוח יהוה ואיש עצתו יודיענו׃

  3. יְשַׁעְיָהוּ מ׳:י״ד

    את מי נועץ ויבינהו וילמדהו בארח משפט וילמדהו דעת ודרך תבונות יודיענו׃

  4. יְשַׁעְיָהוּ מ׳:ט״ו

    הן גוים כמר מדלי וכשחק מאזנים נחשבו הן איים כדק יטול׃

  5. יְשַׁעְיָהוּ מ׳:ט״ז

    ולבנון אין די בער וחיתו אין די עולה׃

  6. יְשַׁעְיָהוּ מ׳:י״ז

    כל הגוים כאין נגדו מאפס ותהו נחשבו לו׃

  7. יְשַׁעְיָהוּ מ׳:י״ח

    ואל מי תדמיון אל ומה דמות תערכו לו׃

  8. יְשַׁעְיָהוּ מ׳:י״ט

    הפסל נסך חרש וצרף בזהב ירקענו ורתקות כסף צורף׃

  9. יְשַׁעְיָהוּ מ׳:כ׳

    המסכן תרומה עץ לא ירקב יבחר חרש חכם יבקש לו להכין פסל לא ימוט׃

  10. יְשַׁעְיָהוּ מ׳:כ״א

    הלוא תדעו הלוא תשמעו הלוא הגד מראש לכם הלוא הבינתם מוסדות הארץ׃

  11. יְשַׁעְיָהוּ מ׳:כ״ב

    הישב על חוג הארץ וישביה כחגבים הנוטה כדק שמים וימתחם כאהל לשבת׃

  12. יְשַׁעְיָהוּ מ׳:כ״ג

    הנותן רוזנים לאין שפטי ארץ כתהו עשה׃

  13. יְשַׁעְיָהוּ מ׳:כ״ד

    אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם׃

  14. יְשַׁעְיָהוּ מ׳:כ״ה

    ואל מי תדמיוני ואשוה יאמר קדוש׃

  15. יְשַׁעְיָהוּ מ׳:כ״ו

    שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר׃

  16. יְשַׁעְיָהוּ מ״א:כ״ג

    הגידו האתיות לאחור ונדעה כי אלהים אתם אף תיטיבו ותרעו ונשתעה ונרא יחדו׃

  17. יְשַׁעְיָהוּ מ״א:כ״ד

    הן אתם מאין ופעלכם מאפע תועבה יבחר בכם׃

  18. יְשַׁעְיָהוּ מ״א:כ״ו

    מי הגיד מראש ונדעה ומלפנים ונאמר צדיק אף אין מגיד אף אין משמיע אף אין שמע אמריכם׃

  19. יְשַׁעְיָהוּ מ״א:כ״ז

    ראשון לציון הנה הנם ולירושלם מבשר אתן׃

  20. יְשַׁעְיָהוּ מ״א:כ״ח

    וארא ואין איש ומאלה ואין יועץ ואשאלם וישיבו דבר׃

  21. יְשַׁעְיָהוּ מ״א:כ״ט

    הן כלם און אפס מעשיהם רוח ותהו נסכיהם׃

  22. יְשַׁעְיָהוּ מ״ד:ט׳

    יצרי פסל כלם תהו וחמודיהם בל יועילו ועדיהם המה בל יראו ובל ידעו למען יבשו׃

  23. יְשַׁעְיָהוּ מ״ד:י׳

    מי יצר אל ופסל נסך לבלתי הועיל׃

  24. יְשַׁעְיָהוּ מ״ד:י״א

    הן כל חבריו יבשו וחרשים המה מאדם יתקבצו כלם יעמדו יפחדו יבשו יחד׃

  25. יְשַׁעְיָהוּ מ״ד:י״ב

    חרש ברזל מעצד ופעל בפחם ובמקבות יצרהו ויפעלהו בזרוע כחו גם רעב ואין כח לא שתה מים וייעף׃