פסוקים על God

מה רבו מעשיך יהוה כלם בחכמה עשית מלאה הארץ קנינך׃

זה הים גדול ורחב ידים שם רמש ואין מספר חיות קטנות עם גדלות׃

שם אניות יהלכון לויתן זה יצרת לשחק בו׃

כלם אליך ישברון לתת אכלם בעתו׃

תתן להם ילקטון תפתח ידך ישבעון טוב׃

תסתיר פניך יבהלון תסף רוחם יגועון ואל עפרם ישובון׃

תשלח רוחך יבראון ותחדש פני אדמה׃

יהי כבוד יהוה לעולם ישמח יהוה במעשיו׃

המביט לארץ ותרעד יגע בהרים ויעשנו׃

יורדי הים באניות עשי מלאכה במים רבים׃

המה ראו מעשי יהוה ונפלאותיו במצולה׃

ויאמר ויעמד רוח סערה ותרומם גליו׃

יעלו שמים ירדו תהומות נפשם ברעה תתמוגג׃

מעשי ידיו אמת ומשפט נאמנים כל פקודיו׃

סמוכים לעד לעולם עשוים באמת וישר׃

פדות שלח לעמו צוה לעולם בריתו קדוש ונורא שמו׃

לעולם יהוה דברך נצב בשמים׃

לדר ודר אמונתך כוננת ארץ ותעמד׃

למשפטיך עמדו היום כי הכל עבדיך׃

אל יתן למוט רגלך אל ינום שמרך׃

הנה לא ינום ולא יישן שומר ישראל׃

כל אשר חפץ יהוה עשה בשמים ובארץ בימים וכל תהומות׃

מעלה נשאים מקצה הארץ ברקים למטר עשה מוצא רוח מאוצרותיו׃

לעשה השמים בתבונה כי לעולם חסדו׃

לרקע הארץ על המים כי לעולם חסדו׃