פסוקים על Covenants

42 פסוקים · 31 היבטים

פסוקי מפתח

סינון לפי ספר
  1. יְהוֹשֻעַ ט׳:ט״ז

    ויהי מקצה שלשת ימים אחרי אשר כרתו להם ברית וישמעו כי קרבים הם אליו ובקרבו הם ישבים׃

  2. יְהוֹשֻעַ ט׳:י״ז

    ויסעו בני ישראל ויבאו אל עריהם ביום השלישי ועריהם גבעון והכפירה ובארות וקרית יערים׃

  3. יְהוֹשֻעַ ט׳:י״ח

    ולא הכום בני ישראל כי נשבעו להם נשיאי העדה ביהוה אלהי ישראל וילנו כל העדה על הנשיאים׃

  4. יְהוֹשֻעַ ט׳:י״ט

    ויאמרו כל הנשיאים אל כל העדה אנחנו נשבענו להם ביהוה אלהי ישראל ועתה לא נוכל לנגע בהם׃

  5. רוּת ד׳:ט׳

    ויאמר בעז לזקנים וכל העם עדים אתם היום כי קניתי את כל אשר לאלימלך ואת כל אשר לכליון ומחלון מיד נעמי׃

  6. רוּת ד׳:י׳

    וגם את רות המאביה אשת מחלון קניתי לי לאשה להקים שם המת על נחלתו ולא יכרת שם המת מעם אחיו ומשער מקומו עדים אתם היום׃

  7. רוּת ד׳:י״א

    ויאמרו כל העם אשר בשער והזקנים עדים יתן יהוה את האשה הבאה אל ביתך כרחל וכלאה אשר בנו שתיהם את בית ישראל ועשה חיל באפרתה וקרא שם בבית לחם׃

  8. 1 מְלָכִים ה׳:ו׳

    ועתה צוה ויכרתו לי ארזים מן הלבנון ועבדי יהיו עם עבדיך ושכר עבדיך אתן לך ככל אשר תאמר כי אתה ידעת כי אין בנו איש ידע לכרת עצים כצדנים׃

  9. 1 מְלָכִים ה׳:ז׳

    ויהי כשמע חירם את דברי שלמה וישמח מאד ויאמר ברוך יהוה היום אשר נתן לדוד בן חכם על העם הרב הזה׃

  10. 1 מְלָכִים ה׳:ח׳

    וישלח חירם אל שלמה לאמר שמעתי את אשר שלחת אלי אני אעשה את כל חפצך בעצי ארזים ובעצי ברושים׃

  11. 1 מְלָכִים ה׳:ט׳

    עבדי ירדו מן הלבנון ימה ואני אשימם דברות בים עד המקום אשר תשלח אלי ונפצתים שם ואתה תשא ואתה תעשה את חפצי לתת לחם ביתי׃

  12. 1 מְלָכִים ה׳:י׳

    ויהי חירום נתן לשלמה עצי ארזים ועצי ברושים כל חפצו׃

  13. 1 מְלָכִים ה׳:י״א

    ושלמה נתן לחירם עשרים אלף כר חטים מכלת לביתו ועשרים כר שמן כתית כה יתן שלמה לחירם שנה בשנה׃

  14. יְשַׁעְיָהוּ ל׳:ב׳

    ההלכים לרדת מצרים ופי לא שאלו לעוז במעוז פרעה ולחסות בצל מצרים׃

  15. יְשַׁעְיָהוּ ל׳:ג׳

    והיה לכם מעוז פרעה לבשת והחסות בצל מצרים לכלמה׃

  16. יְשַׁעְיָהוּ ל׳:ד׳

    כי היו בצען שריו ומלאכיו חנס יגיעו׃

  17. יְשַׁעְיָהוּ ל׳:ה׳

    כל הבאיש על עם לא יועילו למו לא לעזר ולא להועיל כי לבשת וגם לחרפה׃