פסוקים על Company

וגם אמרתי לא אגרש אותם מפניכם והיו לכם לצדים ואלהיהם יהיו לכם למוקש׃

ובליעל כקוץ מנד כלהם כי לא ביד יקחו׃

ואיש יגע בהם ימלא ברזל ועץ חנית ובאש שרוף ישרפו בשבת׃

לא ישבתי עם מתי שוא ועם נעלמים לא אבוא׃

שנאתי קהל מרעים ועם רשעים לא אשב׃

לא השמידו את העמים אשר אמר יהוה להם׃

ויתערבו בגוים וילמדו מעשיהם׃

אויה לי כי גרתי משך שכנתי עם אהלי קדר׃

רבת שכנה לה נפשי עם שונא שלום׃

אני שלום וכי אדבר המה למלחמה׃

הלוא משנאיך יהוה אשנא ובתקוממיך אתקוטט׃

תכלית שנאה שנאתים לאויבים היו לי׃

בני אם יפתוך חטאים אל תבא׃

אם יאמרו לכה אתנו נארבה לדם נצפנה לנקי חנם׃

גורלך תפיל בתוכנו כיס אחד יהיה לכלנו׃

בני אל תלך בדרך אתם מנע רגלך מנתיבתם׃

מזמה תשמר עליך תבונה תנצרכה׃

להצילך מדרך רע מאיש מדבר תהפכות׃

בארח רשעים אל תבא ואל תאשר בדרך רעים׃

פרעהו אל תעבר בו שטה מעליו ועבור׃

אל תתרע את בעל אף ואת איש חמות לא תבוא׃

פן תאלף ארחתו ולקחת מוקש לנפשך׃

כי כה אמר יהוה אלי בחזקת היד ויסרני מלכת בדרך העם הזה לאמר׃

לא תאמרון קשר לכל אשר יאמר העם הזה קשר ואת מוראו לא תיראו ולא תעריצו׃

אפרים בעמים הוא יתבולל אפרים היה עגה בלי הפוכה׃