פסוקים על Ammonites

135 פסוקים · 11 היבטים

פסוקי מפתח

סינון לפי ספר
  1. יִרְמְיָהוּ כ״ז:ו׳

    ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השדה נתתי לו לעבדו׃

  2. יִרְמְיָהוּ כ״ז:ז׳

    ועבדו אתו כל הגוים ואת בנו ואת בן בנו עד בא עת ארצו גם הוא ועבדו בו גוים רבים ומלכים גדלים׃

  3. יִרְמְיָהוּ כ״ז:ח׳

    והיה הגוי והממלכה אשר לא יעבדו אתו את נבוכדנאצר מלך בבל ואת אשר לא יתן את צוארו בעל מלך בבל בחרב וברעב ובדבר אפקד על הגוי ההוא נאם יהוה עד תמי אתם בידו׃

  4. יִרְמְיָהוּ כ״ז:ט׳

    ואתם אל תשמעו אל נביאיכם ואל קסמיכם ואל חלמתיכם ואל ענניכם ואל כשפיכם אשר הם אמרים אליכם לאמר לא תעבדו את מלך בבל׃

  5. יִרְמְיָהוּ כ״ז:י׳

    כי שקר הם נבאים לכם למען הרחיק אתכם מעל אדמתכם והדחתי אתכם ואבדתם׃

  6. יִרְמְיָהוּ כ״ז:י״א

    והגוי אשר יביא את צוארו בעל מלך בבל ועבדו והנחתיו על אדמתו נאם יהוה ועבדה וישב בה׃

  7. יִרְמְיָהוּ מ״ט:א׳

    ¶ לבני עמון כה אמר יהוה הבנים אין לישראל אם יורש אין לו מדוע ירש מלכם את גד ועמו בעריו ישב׃

  8. יִרְמְיָהוּ מ״ט:ב׳

    לכן הנה ימים באים נאם יהוה והשמעתי אל רבת בני עמון תרועת מלחמה והיתה לתל שממה ובנתיה באש תצתנה וירש ישראל את ירשיו אמר יהוה׃

  9. יִרְמְיָהוּ מ״ט:ג׳

    הילילי חשבון כי שדדה עי צעקנה בנות רבה חגרנה שקים ספדנה והתשוטטנה בגדרות כי מלכם בגולה ילך כהניו ושריו יחדיו׃

  10. יִרְמְיָהוּ מ״ט:ד׳

    מה תתהללי בעמקים זב עמקך הבת השובבה הבטחה באצרתיה מי יבוא אלי׃

  11. יִרְמְיָהוּ מ״ט:ה׳

    הנני מביא עליך פחד נאם אדני יהוה צבאות מכל סביביך ונדחתם איש לפניו ואין מקבץ לנדד׃

  12. יִרְמְיָהוּ מ״ט:ו׳

    ואחרי כן אשיב את שבות בני עמון נאם יהוה׃

  13. יְחֶזְקֵאל כ״א:כ״ח

    ואתה בן אדם הנבא ואמרת כה אמר אדני יהוה אל בני עמון ואל חרפתם ואמרת חרב חרב פתוחה לטבח מרוטה להכיל למען ברק׃

  14. יְחֶזְקֵאל כ״א:כ״ט

    בחזות לך שוא בקסם לך כזב לתת אותך אל צוארי חללי רשעים אשר בא יומם בעת עון קץ׃

  15. יְחֶזְקֵאל כ״א:ל׳

    השב אל תערה במקום אשר נבראת בארץ מכרותיך אשפט אתך׃

  16. יְחֶזְקֵאל כ״א:ל״א

    ושפכתי עליך זעמי באש עברתי אפיח עליך ונתתיך ביד אנשים בערים חרשי משחית׃

  17. יְחֶזְקֵאל כ״א:ל״ב

    לאש תהיה לאכלה דמך יהיה בתוך הארץ לא תזכרי כי אני יהוה דברתי׃

  18. יְחֶזְקֵאל כ״ה:א׳

    ¶ ויהי דבר יהוה אלי לאמר׃

  19. יְחֶזְקֵאל כ״ה:ב׳

    בן אדם שים פניך אל בני עמון והנבא עליהם׃

  20. יְחֶזְקֵאל כ״ה:ג׳

    ואמרת לבני עמון שמעו דבר אדני יהוה כה אמר אדני יהוה יען אמרך האח אל מקדשי כי נחל ואל אדמת ישראל כי נשמה ואל בית יהודה כי הלכו בגולה׃

  21. יְחֶזְקֵאל כ״ה:ד׳

    לכן הנני נתנך לבני קדם למורשה וישבו טירותיהם בך ונתנו בך משכניהם המה יאכלו פריך והמה ישתו חלבך׃

  22. יְחֶזְקֵאל כ״ה:ה׳

    ונתתי את רבה לנוה גמלים ואת בני עמון למרבץ צאן וידעתם כי אני יהוה׃

  23. יְחֶזְקֵאל כ״ה:ו׳

    כי כה אמר אדני יהוה יען מחאך יד ורקעך ברגל ותשמח בכל שאטך בנפש אל אדמת ישראל׃

  24. יְחֶזְקֵאל כ״ה:ז׳

    לכן הנני נטיתי את ידי עליך ונתתיך לבג לגוים והכרתיך מן העמים והאבדתיך מן הארצות אשמידך וידעת כי אני יהוה׃

  25. יְחֶזְקֵאל כ״ה:ח׳

    כה אמר אדני יהוה יען אמר מואב ושעיר הנה ככל הגוים בית יהודה׃