TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ מ״ב:כ״הבערך תשי״ב לפנה״ס
וישפך עליו חמה אפו ועזוז מלחמה ותלהטהו מסביב ולא ידע ותבער בו ולא ישים על לב׃
- יְשַׁעְיָהוּ מ״ג:א׳בערך תשי״ב לפנה״ס
¶ ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה׃
- יְשַׁעְיָהוּ מ״ג:ב׳בערך תשי״ב לפנה״ס
כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃
- יְשַׁעְיָהוּ מ״ג:ג׳בערך תשי״ב לפנה״ס
כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך׃
- יְשַׁעְיָהוּ מ״ג:ד׳בערך תשי״ב לפנה״ס
מאשר יקרת בעיני נכבדת ואני אהבתיך ואתן אדם תחתיך ולאמים תחת נפשך׃
- יְשַׁעְיָהוּ מ״ג:ה׳בערך תשי״ב לפנה״ס
אל תירא כי אתך אני ממזרח אביא זרעך וממערב אקבצך׃
- יְשַׁעְיָהוּ מ״ג:ו׳בערך תשי״ב לפנה״ס
אמר לצפון תני ולתימן אל תכלאי הביאי בני מרחוק ובנותי מקצה הארץ׃
- יְשַׁעְיָהוּ מ״ג:ז׳בערך תשי״ב לפנה״ס
כל הנקרא בשמי ולכבודי בראתיו יצרתיו אף עשיתיו׃
- יְשַׁעְיָהוּ מ״ג:ח׳בערך תשי״ב לפנה״ס
הוציא עם עור ועינים יש וחרשים ואזנים למו׃
- יְשַׁעְיָהוּ מ״ג:ט׳בערך תשי״ב לפנה״ס
כל הגוים נקבצו יחדו ויאספו לאמים מי בהם יגיד זאת וראשנות ישמיענו יתנו עדיהם ויצדקו וישמעו ויאמרו אמת׃
- יְשַׁעְיָהוּ מ״ג:י׳בערך תשי״ב לפנה״ס
אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃
- יְשַׁעְיָהוּ מ״ג:י״אבערך תשי״ב לפנה״ס
אנכי אנכי יהוה ואין מבלעדי מושיע׃
- יְשַׁעְיָהוּ מ״ג:י״בבערך תשי״ב לפנה״ס
אנכי הגדתי והושעתי והשמעתי ואין בכם זר ואתם עדי נאם יהוה ואני אל׃
- יְשַׁעְיָהוּ מ״ג:י״גבערך תשי״ב לפנה״ס
גם מיום אני הוא ואין מידי מציל אפעל ומי ישיבנה׃
- יְשַׁעְיָהוּ מ״ג:י״דבערך תשי״ב לפנה״ס
כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם׃
- יְשַׁעְיָהוּ מ״ג:ט״ובערך תשי״ב לפנה״ס
אני יהוה קדושכם בורא ישראל מלככם׃
- יְשַׁעְיָהוּ מ״ג:ט״זבערך תשי״ב לפנה״ס
כה אמר יהוה הנותן בים דרך ובמים עזים נתיבה׃
- יְשַׁעְיָהוּ מ״ג:י״זבערך תשי״ב לפנה״ס
המוציא רכב וסוס חיל ועזוז יחדו ישכבו בל יקומו דעכו כפשתה כבו׃
- יְשַׁעְיָהוּ מ״ג:י״חבערך תשי״ב לפנה״ס
אל תזכרו ראשנות וקדמניות אל תתבננו׃
- יְשַׁעְיָהוּ מ״ג:י״טבערך תשי״ב לפנה״ס
הנני עשה חדשה עתה תצמח הלוא תדעוה אף אשים במדבר דרך בישמון נהרות׃
- יְשַׁעְיָהוּ מ״ג:כ׳בערך תשי״ב לפנה״ס
תכבדני חית השדה תנים ובנות יענה כי נתתי במדבר מים נהרות בישימן להשקות עמי בחירי׃
- יְשַׁעְיָהוּ מ״ג:כ״אבערך תשי״ב לפנה״ס
עם זו יצרתי לי תהלתי יספרו׃
- יְשַׁעְיָהוּ מ״ג:כ״בבערך תשי״ב לפנה״ס
ולא אתי קראת יעקב כי יגעת בי ישראל׃
- יְשַׁעְיָהוּ מ״ג:כ״גבערך תשי״ב לפנה״ס
לא הביאת לי שה עלתיך וזבחיך לא כבדתני לא העבדתיך במנחה ולא הוגעתיך בלבונה׃
- יְשַׁעְיָהוּ מ״ג:כ״דבערך תשי״ב לפנה״ס
לא קנית לי בכסף קנה וחלב זבחיך לא הרויתני אך העבדתני בחטאותיך הוגעתני בעונתיך׃