TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ מ״ד:כ״בבערך תשי״ב לפנה״ס
מחיתי כעב פשעיך וכענן חטאותיך שובה אלי כי גאלתיך׃
- יְשַׁעְיָהוּ מ״ד:כ״גבערך תשי״ב לפנה״ס
רנו שמים כי עשה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישראל יתפאר׃
- יְשַׁעְיָהוּ מ״ד:כ״דבערך תשי״ב לפנה״ס
כה אמר יהוה גאלך ויצרך מבטן אנכי יהוה עשה כל נטה שמים לבדי רקע הארץ מי אתי׃
- יְשַׁעְיָהוּ מ״ד:כ״הבערך תשי״ב לפנה״ס
מפר אתות בדים וקסמים יהולל משיב חכמים אחור ודעתם ישכל׃
- יְשַׁעְיָהוּ מ״ד:כ״ובערך תשי״ב לפנה״ס
מקים דבר עבדו ועצת מלאכיו ישלים האמר לירושלם תושב ולערי יהודה תבנינה וחרבותיה אקומם׃
- יְשַׁעְיָהוּ מ״ד:כ״זבערך תשי״ב לפנה״ס
האמר לצולה חרבי ונהרתיך אוביש׃
- יְשַׁעְיָהוּ מ״ד:כ״חבערך תשי״ב לפנה״ס
האמר לכורש רעי וכל חפצי ישלם ולאמר לירושלם תבנה והיכל תוסד׃
- יְשַׁעְיָהוּ מ״ה:א׳בערך תשי״ב לפנה״ס
¶ כה אמר יהוה למשיחו לכורש אשר החזקתי בימינו לרד לפניו גוים ומתני מלכים אפתח לפתח לפניו דלתים ושערים לא יסגרו׃
- יְשַׁעְיָהוּ מ״ה:ב׳בערך תשי״ב לפנה״ס
אני לפניך אלך והדורים אושר דלתות נחושה אשבר ובריחי ברזל אגדע׃
- יְשַׁעְיָהוּ מ״ה:ג׳בערך תשי״ב לפנה״ס
ונתתי לך אוצרות חשך ומטמני מסתרים למען תדע כי אני יהוה הקורא בשמך אלהי ישראל׃
- יְשַׁעְיָהוּ מ״ה:ד׳בערך תשי״ב לפנה״ס
למען עבדי יעקב וישראל בחירי ואקרא לך בשמך אכנך ולא ידעתני׃
- יְשַׁעְיָהוּ מ״ה:ה׳בערך תשי״ב לפנה״ס
אני יהוה ואין עוד זולתי אין אלהים אאזרך ולא ידעתני׃
- יְשַׁעְיָהוּ מ״ה:ו׳בערך תשי״ב לפנה״ס
למען ידעו ממזרח שמש וממערבה כי אפס בלעדי אני יהוה ואין עוד׃
- יְשַׁעְיָהוּ מ״ה:ז׳בערך תשי״ב לפנה״ס
יוצר אור ובורא חשך עשה שלום ובורא רע אני יהוה עשה כל אלה׃
- יְשַׁעְיָהוּ מ״ה:ח׳בערך תשי״ב לפנה״ס
הרעיפו שמים ממעל ושחקים יזלו צדק תפתח ארץ ויפרו ישע וצדקה תצמיח יחד אני יהוה בראתיו׃
- יְשַׁעְיָהוּ מ״ה:ט׳בערך תשי״ב לפנה״ס
הוי רב את יצרו חרש את חרשי אדמה היאמר חמר ליצרו מה תעשה ופעלך אין ידים לו׃
- יְשַׁעְיָהוּ מ״ה:י׳בערך תשי״ב לפנה״ס
הוי אמר לאב מה תוליד ולאשה מה תחילין׃
- יְשַׁעְיָהוּ מ״ה:י״אבערך תשי״ב לפנה״ס
כה אמר יהוה קדוש ישראל ויצרו האתיות שאלוני על בני ועל פעל ידי תצוני׃
- יְשַׁעְיָהוּ מ״ה:י״בבערך תשי״ב לפנה״ס
אנכי עשיתי ארץ ואדם עליה בראתי אני ידי נטו שמים וכל צבאם צויתי׃
- יְשַׁעְיָהוּ מ״ה:י״גבערך תשי״ב לפנה״ס
אנכי העירתהו בצדק וכל דרכיו אישר הוא יבנה עירי וגלותי ישלח לא במחיר ולא בשחד אמר יהוה צבאות׃
- יְשַׁעְיָהוּ מ״ה:י״דבערך תשי״ב לפנה״ס
כה אמר יהוה יגיע מצרים וסחר כוש וסבאים אנשי מדה עליך יעברו ולך יהיו אחריך ילכו בזקים יעברו ואליך ישתחוו אליך יתפללו אך בך אל ואין עוד אפס אלהים׃
- יְשַׁעְיָהוּ מ״ה:ט״ובערך תשי״ב לפנה״ס
אכן אתה אל מסתתר אלהי ישראל מושיע׃
- יְשַׁעְיָהוּ מ״ה:ט״זבערך תשי״ב לפנה״ס
בושו וגם נכלמו כלם יחדו הלכו בכלמה חרשי צירים׃
- יְשַׁעְיָהוּ מ״ה:י״זבערך תשי״ב לפנה״ס
ישראל נושע ביהוה תשועת עולמים לא תבשו ולא תכלמו עד עולמי עד׃
- יְשַׁעְיָהוּ מ״ה:י״חבערך תשי״ב לפנה״ס
כי כה אמר יהוה בורא השמים הוא האלהים יצר הארץ ועשה הוא כוננה לא תהו בראה לשבת יצרה אני יהוה ואין עוד׃