Jerusalem

753 verses · 2 known names

ידוע גם בשם: Jerusalem's

31.7700, 35.2300 הצג במפות גוגל

פסוקים המזכירים את Jerusalem

סינון לפי ספר
  1. 2 דִּבְרֵי הַיָּמִים ל״ו:א׳

    ¶ ויקחו עם הארץ את יהואחז בן יאשיהו וימליכהו תחת אביו בירושלם׃

  2. 2 דִּבְרֵי הַיָּמִים ל״ו:ב׳

    בן שלוש ועשרים שנה יואחז במלכו ושלשה חדשים מלך בירושלם׃

  3. 2 דִּבְרֵי הַיָּמִים ל״ו:ג׳

    ויסירהו מלך מצרים בירושלם ויענש את הארץ מאה ככר כסף וככר זהב׃

  4. 2 דִּבְרֵי הַיָּמִים ל״ו:ד׳

    וימלך מלך מצרים את אליקים אחיו על יהודה וירושלם ויסב את שמו יהויקים ואת יואחז אחיו לקח נכו ויביאהו מצרימה׃

  5. 2 דִּבְרֵי הַיָּמִים ל״ו:ה׳

    בן עשרים וחמש שנה יהויקים במלכו ואחת עשרה שנה מלך בירושלם ויעש הרע בעיני יהוה אלהיו׃

  6. 2 דִּבְרֵי הַיָּמִים ל״ו:ט׳

    בן שמונה שנים יהויכין במלכו ושלשה חדשים ועשרת ימים מלך בירושלם ויעש הרע בעיני יהוה׃

  7. 2 דִּבְרֵי הַיָּמִים ל״ו:י׳

    ולתשובת השנה שלח המלך נבוכדנאצר ויבאהו בבלה עם כלי חמדת בית יהוה וימלך את צדקיהו אחיו על יהודה וירושלם׃

  8. 2 דִּבְרֵי הַיָּמִים ל״ו:י״א

    בן עשרים ואחת שנה צדקיהו במלכו ואחת עשרה שנה מלך בירושלם׃

  9. 2 דִּבְרֵי הַיָּמִים ל״ו:י״ד

    גם כל שרי הכהנים והעם הרבו למעול מעל ככל תעבות הגוים ויטמאו את בית יהוה אשר הקדיש בירושלם׃

  10. 2 דִּבְרֵי הַיָּמִים ל״ו:י״ט

    וישרפו את בית האלהים וינתצו את חומת ירושלם וכל ארמנותיה שרפו באש וכל כלי מחמדיה להשחית׃

  11. 2 דִּבְרֵי הַיָּמִים ל״ו:כ״ג

    כה אמר כורש מלך פרס כל ממלכות הארץ נתן לי יהוה אלהי השמים והוא פקד עלי לבנות לו בית בירושלם אשר ביהודה מי בכם מכל עמו יהוה אלהיו עמו ויעל׃

  12. עֶזְרָא א׳:ב׳

    כה אמר כרש מלך פרס כל ממלכות הארץ נתן לי יהוה אלהי השמים והוא פקד עלי לבנות לו בית בירושלם אשר ביהודה׃

  13. עֶזְרָא א׳:ג׳

    מי בכם מכל עמו יהי אלהיו עמו ויעל לירושלם אשר ביהודה ויבן את בית יהוה אלהי ישראל הוא האלהים אשר בירושלם׃

  14. עֶזְרָא א׳:ד׳

    וכל הנשאר מכל המקמות אשר הוא גר שם ינשאוהו אנשי מקמו בכסף ובזהב וברכוש ובבהמה עם הנדבה לבית האלהים אשר בירושלם׃

  15. עֶזְרָא א׳:ה׳

    ויקומו ראשי האבות ליהודה ובנימן והכהנים והלוים לכל העיר האלהים את רוחו לעלות לבנות את בית יהוה אשר בירושלם׃

  16. עֶזְרָא א׳:ז׳

    והמלך כורש הוציא את כלי בית יהוה אשר הוציא נבוכדנצר מירושלם ויתנם בבית אלהיו׃

  17. עֶזְרָא א׳:י״א

    כל כלים לזהב ולכסף חמשת אלפים וארבע מאות הכל העלה ששבצר עם העלות הגולה מבבל לירושלם׃

  18. עֶזְרָא ב׳:א׳

    ¶ ואלה בני המדינה העלים משבי הגולה אשר הגלה נבוכדנצור מלך בבל לבבל וישובו לירושלם ויהודה איש לעירו׃

  19. עֶזְרָא ב׳:ס״ח

    ומראשי האבות בבואם לבית יהוה אשר בירושלם התנדבו לבית האלהים להעמידו על מכונו׃

  20. עֶזְרָא ג׳:א׳

    ¶ ויגע החדש השביעי ובני ישראל בערים ויאספו העם כאיש אחד אל ירושלם׃

  21. עֶזְרָא ג׳:ח׳

    ובשנה השנית לבואם אל בית האלהים לירושלם בחדש השני החלו זרבבל בן שאלתיאל וישוע בן יוצדק ושאר אחיהם הכהנים והלוים וכל הבאים מהשבי ירושלם ויעמידו את הלוים מבן עשרים שנה ומעלה לנצח על מלאכת בית יהוה׃

  22. עֶזְרָא ד׳:ו׳

    ובמלכות אחשורוש בתחלת מלכותו כתבו שטנה על ישבי יהודה וירושלם׃

  23. עֶזְרָא ד׳:ח׳

    רחום בעל טעם ושמשי ספרא כתבו אגרה חדה על ירושלם לארתחששתא מלכא כנמא׃

  24. עֶזְרָא ד׳:י״ב

    ידיע להוא למלכא די יהודיא די סלקו מן לותך עלינא אתו לירושלם קריתא מרדתא ובאישתא בנין ושורי אשכללו ואשיא יחיטו׃

  25. עֶזְרָא ד׳:כ׳

    ומלכין תקיפין הוו על ירושלם ושליטין בכל עבר נהרה ומדה בלו והלך מתיהב להון׃