Egypt

561 verses · 4 known names

ידוע גם בשם: Egyptian, Egyptians, Egyptian's

30.1000, 31.3300 הצג במפות גוגל

פסוקים המזכירים את Egypt

סינון לפי ספר
  1. יְשַׁעְיָהוּ ל״א:א׳

    ¶ הוי הירדים מצרים לעזרה על סוסים ישענו ויבטחו על רכב כי רב ועל פרשים כי עצמו מאד ולא שעו על קדוש ישראל ואת יהוה לא דרשו׃

  2. יְשַׁעְיָהוּ ל״ו:ו׳

    הנה בטחת על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליו׃

  3. יְשַׁעְיָהוּ ל״ו:ט׳

    ואיך תשיב את פני פחת אחד עבדי אדני הקטנים ותבטח לך על מצרים לרכב ולפרשים׃

  4. יְשַׁעְיָהוּ מ״ג:ג׳

    כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך׃

  5. יְשַׁעְיָהוּ מ״ה:י״ד

    כה אמר יהוה יגיע מצרים וסחר כוש וסבאים אנשי מדה עליך יעברו ולך יהיו אחריך ילכו בזקים יעברו ואליך ישתחוו אליך יתפללו אך בך אל ואין עוד אפס אלהים׃

  6. יְשַׁעְיָהוּ נ״ב:ד׳

    כי כה אמר אדני יהוה מצרים ירד עמי בראשנה לגור שם ואשור באפס עשקו׃

  7. יִרְמְיָהוּ ב׳:ו׳

    ולא אמרו איה יהוה המעלה אתנו מארץ מצרים המוליך אתנו במדבר בארץ ערבה ושוחה בארץ ציה וצלמות בארץ לא עבר בה איש ולא ישב אדם שם׃

  8. יִרְמְיָהוּ ב׳:י״ח

    ועתה מה לך לדרך מצרים לשתות מי שחור ומה לך לדרך אשור לשתות מי נהר׃

  9. יִרְמְיָהוּ ב׳:ל״ו

    מה תזלי מאד לשנות את דרכך גם ממצרים תבושי כאשר בשת מאשור׃

  10. יִרְמְיָהוּ ז׳:כ״ב

    כי לא דברתי את אבותיכם ולא צויתים ביום הוציא אותם מארץ מצרים על דברי עולה וזבח׃

  11. יִרְמְיָהוּ ז׳:כ״ה

    למן היום אשר יצאו אבותיכם מארץ מצרים עד היום הזה ואשלח אליכם את כל עבדי הנביאים יום השכם ושלח׃

  12. יִרְמְיָהוּ ט׳:כ״ו

    על מצרים ועל יהודה ועל אדום ועל בני עמון ועל מואב ועל כל קצוצי פאה הישבים במדבר כי כל הגוים ערלים וכל בית ישראל ערלי לב׃

  13. יִרְמְיָהוּ י״א:ד׳

    אשר צויתי את אבותיכם ביום הוציאי אותם מארץ מצרים מכור הברזל לאמר שמעו בקולי ועשיתם אותם ככל אשר אצוה אתכם והייתם לי לעם ואנכי אהיה לכם לאלהים׃

  14. יִרְמְיָהוּ י״א:ז׳

    כי העד העדתי באבותיכם ביום העלותי אותם מארץ מצרים ועד היום הזה השכם והעד לאמר שמעו בקולי׃

  15. יִרְמְיָהוּ ט״ז:י״ד

    לכן הנה ימים באים נאם יהוה ולא יאמר עוד חי יהוה אשר העלה את בני ישראל מארץ מצרים׃

  16. יִרְמְיָהוּ כ״ג:ז׳

    לכן הנה ימים באים נאם יהוה ולא יאמרו עוד חי יהוה אשר העלה את בני ישראל מארץ מצרים׃

  17. יִרְמְיָהוּ כ״ד:ח׳

    וכתאנים הרעות אשר לא תאכלנה מרע כי כה אמר יהוה כן אתן את צדקיהו מלך יהודה ואת שריו ואת שארית ירושלם הנשארים בארץ הזאת והישבים בארץ מצרים׃

  18. יִרְמְיָהוּ כ״ה:י״ט

    את פרעה מלך מצרים ואת עבדיו ואת שריו ואת כל עמו׃

  19. יִרְמְיָהוּ כ״ו:כ״א

    וישמע המלך יהויקים וכל גבוריו וכל השרים את דבריו ויבקש המלך המיתו וישמע אוריהו וירא ויברח ויבא מצרים׃

  20. יִרְמְיָהוּ כ״ו:כ״ב

    וישלח המלך יהויקים אנשים מצרים את אלנתן בן עכבור ואנשים אתו אל מצרים׃

  21. יִרְמְיָהוּ כ״ו:כ״ג

    ויוציאו את אוריהו ממצרים ויבאהו אל המלך יהויקים ויכהו בחרב וישלך את נבלתו אל קברי בני העם׃

  22. יִרְמְיָהוּ ל״א:ל״ב

    לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בעלתי בם נאם יהוה׃

  23. יִרְמְיָהוּ ל״ב:כ׳

    אשר שמת אתות ומפתים בארץ מצרים עד היום הזה ובישראל ובאדם ותעשה לך שם כיום הזה׃

  24. יִרְמְיָהוּ ל״ב:כ״א

    ותצא את עמך את ישראל מארץ מצרים באתות ובמופתים וביד חזקה ובאזרוע נטויה ובמורא גדול׃

  25. יִרְמְיָהוּ ל״ד:י״ג

    כה אמר יהוה אלהי ישראל אנכי כרתי ברית את אבותיכם ביום הוצאי אותם מארץ מצרים מבית עבדים לאמר׃