עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל ג׳:י״א

    ולך בא אל הגולה אל בני עמך ודברת אליהם ואמרת אליהם כה אמר אדני יהוה אם ישמעו ואם יחדלו׃

  2. יְחֶזְקֵאל ג׳:י״ב

    ותשאני רוח ואשמע אחרי קול רעש גדול ברוך כבוד יהוה ממקומו׃

  3. יְחֶזְקֵאל ג׳:י״ד

    ורוח נשאתני ותקחני ואלך מר בחמת רוחי ויד יהוה עלי חזקה׃

  4. יְחֶזְקֵאל ג׳:ט״ז

    ויהי מקצה שבעת ימים ויהי דבר יהוה אלי לאמר׃

  5. יְחֶזְקֵאל ג׳:י״ז

    בן אדם צפה נתתיך לבית ישראל ושמעת מפי דבר והזהרת אותם ממני׃

  6. יְחֶזְקֵאל ג׳:י״ח

    באמרי לרשע מות תמות ולא הזהרתו ולא דברת להזהיר רשע מדרכו הרשעה לחיתו הוא רשע בעונו ימות ודמו מידך אבקש׃

  7. יְחֶזְקֵאל ג׳:כ׳

    ובשוב צדיק מצדקו ועשה עול ונתתי מכשול לפניו הוא ימות כי לא הזהרתו בחטאתו ימות ולא תזכרן צדקתו אשר עשה ודמו מידך אבקש׃

  8. יְחֶזְקֵאל ג׳:כ״ב

    ותהי עלי שם יד יהוה ויאמר אלי קום צא אל הבקעה ושם אדבר אותך׃

  9. יְחֶזְקֵאל ג׳:כ״ג

    ואקום ואצא אל הבקעה והנה שם כבוד יהוה עמד ככבוד אשר ראיתי על נהר כבר ואפל על פני׃

  10. יְחֶזְקֵאל ג׳:כ״ו

    ולשונך אדביק אל חכך ונאלמת ולא תהיה להם לאיש מוכיח כי בית מרי המה׃

  11. יְחֶזְקֵאל ג׳:כ״ז

    ובדברי אותך אפתח את פיך ואמרת אליהם כה אמר אדני יהוה השמע ישמע והחדל יחדל כי בית מרי המה׃

  12. יְחֶזְקֵאל ד׳:ה׳

    ואני נתתי לך את שני עונם למספר ימים שלש מאות ותשעים יום ונשאת עון בית ישראל׃

  13. יְחֶזְקֵאל ד׳:ו׳

    וכלית את אלה ושכבת על צדך הימוני שנית ונשאת את עון בית יהודה ארבעים יום יום לשנה יום לשנה נתתיו לך׃

  14. יְחֶזְקֵאל ד׳:ח׳

    והנה נתתי עליך עבותים ולא תהפך מצדך אל צדך עד כלותך ימי מצורך׃

  15. יְחֶזְקֵאל ד׳:י״ג

    ויאמר יהוה ככה יאכלו בני ישראל את לחמם טמא בגוים אשר אדיחם שם׃

  16. יְחֶזְקֵאל ד׳:י״ד

    ואמר אהה אדני יהוה הנה נפשי לא מטמאה ונבלה וטרפה לא אכלתי מנעורי ועד עתה ולא בא בפי בשר פגול׃

  17. יְחֶזְקֵאל ד׳:ט״ו

    ויאמר אלי ראה נתתי לך את צפועי הבקר תחת גללי האדם ועשית את לחמך עליהם׃

  18. יְחֶזְקֵאל ד׳:ט״ז

    ויאמר אלי בן אדם הנני שבר מטה לחם בירושלם ואכלו לחם במשקל ובדאגה ומים במשורה ובשממון ישתו׃

  19. יְחֶזְקֵאל ה׳:ב׳

    שלשית באור תבעיר בתוך העיר כמלאת ימי המצור ולקחת את השלשית תכה בחרב סביבותיה והשלשית תזרה לרוח וחרב אריק אחריהם׃

  20. יְחֶזְקֵאל ה׳:ה׳

    כה אמר אדני יהוה זאת ירושלם בתוך הגוים שמתיה וסביבותיה ארצות׃

  21. יְחֶזְקֵאל ה׳:ו׳

    ותמר את משפטי לרשעה מן הגוים ואת חקותי מן הארצות אשר סביבותיה כי במשפטי מאסו וחקותי לא הלכו בהם׃

  22. יְחֶזְקֵאל ה׳:ז׳

    לכן כה אמר אדני יהוה יען המנכם מן הגוים אשר סביבותיכם בחקותי לא הלכתם ואת משפטי לא עשיתם וכמשפטי הגוים אשר סביבותיכם לא עשיתם׃

  23. יְחֶזְקֵאל ה׳:ח׳

    לכן כה אמר אדני יהוה הנני עליך גם אני ועשיתי בתוכך משפטים לעיני הגוים׃

  24. יְחֶזְקֵאל ה׳:ט׳

    ועשיתי בך את אשר לא עשיתי ואת אשר לא אעשה כמהו עוד יען כל תועבתיך׃

  25. יְחֶזְקֵאל ה׳:י׳

    לכן אבות יאכלו בנים בתוכך ובנים יאכלו אבותם ועשיתי בך שפטים וזריתי את כל שאריתך לכל רוח׃