עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל ה׳:י״א

    לכן חי אני נאם אדני יהוה אם לא יען את מקדשי טמאת בכל שקוציך ובכל תועבתיך וגם אני אגרע ולא תחוס עיני וגם אני לא אחמול׃

  2. יְחֶזְקֵאל ה׳:י״ב

    שלשתיך בדבר ימותו וברעב יכלו בתוכך והשלשית בחרב יפלו סביבותיך והשלישית לכל רוח אזרה וחרב אריק אחריהם׃

  3. יְחֶזְקֵאל ה׳:י״ג

    וכלה אפי והנחותי חמתי בם והנחמתי וידעו כי אני יהוה דברתי בקנאתי בכלותי חמתי בם׃

  4. יְחֶזְקֵאל ה׳:י״ד

    ואתנך לחרבה ולחרפה בגוים אשר סביבותיך לעיני כל עובר׃

  5. יְחֶזְקֵאל ה׳:ט״ו

    והיתה חרפה וגדופה מוסר ומשמה לגוים אשר סביבותיך בעשותי בך שפטים באף ובחמה ובתכחות חמה אני יהוה דברתי׃

  6. יְחֶזְקֵאל ה׳:ט״ז

    בשלחי את חצי הרעב הרעים בהם אשר היו למשחית אשר אשלח אותם לשחתכם ורעב אסף עליכם ושברתי לכם מטה לחם׃

  7. יְחֶזְקֵאל ה׳:י״ז

    ושלחתי עליכם רעב וחיה רעה ושכלך ודבר ודם יעבר בך וחרב אביא עליך אני יהוה דברתי׃

  8. יְחֶזְקֵאל ו׳:א׳

    ¶ ויהי דבר יהוה אלי לאמר׃

  9. יְחֶזְקֵאל ו׳:ג׳

    ואמרת הרי ישראל שמעו דבר אדני יהוה כה אמר אדני יהוה להרים ולגבעות לאפיקים ולגאית הנני אני מביא עליכם חרב ואבדתי במותיכם׃

  10. יְחֶזְקֵאל ו׳:ד׳

    ונשמו מזבחותיכם ונשברו חמניכם והפלתי חלליכם לפני גלוליכם׃

  11. יְחֶזְקֵאל ו׳:ה׳

    ונתתי את פגרי בני ישראל לפני גלוליהם וזריתי את עצמותיכם סביבות מזבחותיכם׃

  12. יְחֶזְקֵאל ו׳:ז׳

    ונפל חלל בתוככם וידעתם כי אני יהוה׃

  13. יְחֶזְקֵאל ו׳:ח׳

    והותרתי בהיות לכם פליטי חרב בגוים בהזרותיכם בארצות׃

  14. יְחֶזְקֵאל ו׳:ט׳

    וזכרו פליטיכם אותי בגוים אשר נשבו שם אשר נשברתי את לבם הזונה אשר סר מעלי ואת עיניהם הזנות אחרי גלוליהם ונקטו בפניהם אל הרעות אשר עשו לכל תועבתיהם׃

  15. יְחֶזְקֵאל ו׳:י׳

    וידעו כי אני יהוה לא אל חנם דברתי לעשות להם הרעה הזאת׃

  16. יְחֶזְקֵאל ו׳:י״א

    כה אמר אדני יהוה הכה בכפך ורקע ברגלך ואמר אח אל כל תועבות רעות בית ישראל אשר בחרב ברעב ובדבר יפלו׃

  17. יְחֶזְקֵאל ו׳:י״ב

    הרחוק בדבר ימות והקרוב בחרב יפול והנשאר והנצור ברעב ימות וכליתי חמתי בם׃

  18. יְחֶזְקֵאל ו׳:י״ג

    וידעתם כי אני יהוה בהיות חלליהם בתוך גלוליהם סביבות מזבחותיהם אל כל גבעה רמה בכל ראשי ההרים ותחת כל עץ רענן ותחת כל אלה עבתה מקום אשר נתנו שם ריח ניחח לכל גלוליהם׃

  19. יְחֶזְקֵאל ו׳:י״ד

    ונטיתי את ידי עליהם ונתתי את הארץ שממה ומשמה ממדבר דבלתה בכל מושבותיהם וידעו כי אני יהוה׃

  20. יְחֶזְקֵאל ז׳:א׳

    ¶ ויהי דבר יהוה אלי לאמר׃

  21. יְחֶזְקֵאל ז׳:ב׳

    ואתה בן אדם כה אמר אדני יהוה לאדמת ישראל קץ בא הקץ על ארבעת כנפות הארץ׃

  22. יְחֶזְקֵאל ז׳:ג׳

    עתה הקץ עליך ושלחתי אפי בך ושפטתיך כדרכיך ונתתי עליך את כל תועבתיך׃

  23. יְחֶזְקֵאל ז׳:ד׳

    ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה׃

  24. יְחֶזְקֵאל ז׳:ה׳

    כה אמר אדני יהוה רעה אחת רעה הנה באה׃

  25. יְחֶזְקֵאל ז׳:ח׳

    עתה מקרוב אשפוך חמתי עליך וכליתי אפי בך ושפטתיך כדרכיך ונתתי עליך את כל תועבותיך׃