עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ס״א:ח׳

    כי אני יהוה אהב משפט שנא גזל בעולה ונתתי פעלתם באמת וברית עולם אכרות להם׃

  2. יְשַׁעְיָהוּ ס״א:ט׳

    ונודע בגוים זרעם וצאצאיהם בתוך העמים כל ראיהם יכירום כי הם זרע ברך יהוה׃

  3. יְשַׁעְיָהוּ ס״א:י׳

    שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה׃

  4. יְשַׁעְיָהוּ ס״א:י״א

    כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים׃

  5. יְשַׁעְיָהוּ ס״ב:א׳

    ¶ למען ציון לא אחשה ולמען ירושלם לא אשקוט עד יצא כנגה צדקה וישועתה כלפיד יבער׃

  6. יְשַׁעְיָהוּ ס״ב:ב׳

    וראו גוים צדקך וכל מלכים כבודך וקרא לך שם חדש אשר פי יהוה יקבנו׃

  7. יְשַׁעְיָהוּ ס״ב:ג׳

    והיית עטרת תפארת ביד יהוה וצנוף מלוכה בכף אלהיך׃

  8. יְשַׁעְיָהוּ ס״ב:ד׳

    לא יאמר לך עוד עזובה ולארצך לא יאמר עוד שממה כי לך יקרא חפצי בה ולארצך בעולה כי חפץ יהוה בך וארצך תבעל׃

  9. יְשַׁעְיָהוּ ס״ב:ה׳

    כי יבעל בחור בתולה יבעלוך בניך ומשוש חתן על כלה ישיש עליך אלהיך׃

  10. יְשַׁעְיָהוּ ס״ב:ו׳

    על חומתיך ירושלם הפקדתי שמרים כל היום וכל הלילה תמיד לא יחשו המזכרים את יהוה אל דמי לכם׃

  11. יְשַׁעְיָהוּ ס״ב:ז׳

    ואל תתנו דמי לו עד יכונן ועד ישים את ירושלם תהלה בארץ׃

  12. יְשַׁעְיָהוּ ס״ב:ח׳

    נשבע יהוה בימינו ובזרוע עזו אם אתן את דגנך עוד מאכל לאיביך ואם ישתו בני נכר תירושך אשר יגעת בו׃

  13. יְשַׁעְיָהוּ ס״ב:ט׳

    כי מאספיו יאכלהו והללו את יהוה ומקבציו ישתהו בחצרות קדשי׃

  14. יְשַׁעְיָהוּ ס״ב:י״א

    הנה יהוה השמיע אל קצה הארץ אמרו לבת ציון הנה ישעך בא הנה שכרו אתו ופעלתו לפניו׃

  15. יְשַׁעְיָהוּ ס״ב:י״ב

    וקראו להם עם הקדש גאולי יהוה ולך יקרא דרושה עיר לא נעזבה׃

  16. יְשַׁעְיָהוּ ס״ג:א׳

    ¶ מי זה בא מאדום חמוץ בגדים מבצרה זה הדור בלבושו צעה ברב כחו אני מדבר בצדקה רב להושיע׃

  17. יְשַׁעְיָהוּ ס״ג:ז׳

    חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו׃

  18. יְשַׁעְיָהוּ ס״ג:ח׳

    ויאמר אך עמי המה בנים לא ישקרו ויהי להם למושיע׃

  19. יְשַׁעְיָהוּ ס״ג:ט׳

    בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם׃

  20. יְשַׁעְיָהוּ ס״ג:י׳

    והמה מרו ועצבו את רוח קדשו ויהפך להם לאויב הוא נלחם בם׃

  21. יְשַׁעְיָהוּ ס״ג:י״א

    ויזכר ימי עולם משה עמו איה המעלם מים את רעי צאנו איה השם בקרבו את רוח קדשו׃

  22. יְשַׁעְיָהוּ ס״ג:י״ב

    מוליך לימין משה זרוע תפארתו בוקע מים מפניהם לעשות לו שם עולם׃

  23. יְשַׁעְיָהוּ ס״ג:י״ד

    כבהמה בבקעה תרד רוח יהוה תניחנו כן נהגת עמך לעשות לך שם תפארת׃

  24. יְשַׁעְיָהוּ ס״ג:ט״ו

    הבט משמים וראה מזבל קדשך ותפארתך איה קנאתך וגבורתך המון מעיך ורחמיך אלי התאפקו׃

  25. יְשַׁעְיָהוּ ס״ג:ט״ז

    כי אתה אבינו כי אברהם לא ידענו וישראל לא יכירנו אתה יהוה אבינו גאלנו מעולם שמך׃