עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ נ״ז:ח׳

    ואחר הדלת והמזוזה שמת זכרונך כי מאתי גלית ותעלי הרחבת משכבך ותכרת לך מהם אהבת משכבם יד חזית׃

  2. יְשַׁעְיָהוּ נ״ז:י״א

    ואת מי דאגת ותיראי כי תכזבי ואותי לא זכרת לא שמת על לבך הלא אני מחשה ומעלם ואותי לא תיראי׃

  3. יְשַׁעְיָהוּ נ״ז:י״ב

    אני אגיד צדקתך ואת מעשיך ולא יועילוך׃

  4. יְשַׁעְיָהוּ נ״ז:י״ג

    בזעקך יצילך קבוציך ואת כלם ישא רוח יקח הבל והחוסה בי ינחל ארץ ויירש הר קדשי׃

  5. יְשַׁעְיָהוּ נ״ז:י״ד

    ואמר סלו סלו פנו דרך הרימו מכשול מדרך עמי׃

  6. יְשַׁעְיָהוּ נ״ז:ט״ו

    כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃

  7. יְשַׁעְיָהוּ נ״ז:ט״ז

    כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃

  8. יְשַׁעְיָהוּ נ״ז:י״ז

    בעון בצעו קצפתי ואכהו הסתר ואקצף וילך שובב בדרך לבו׃

  9. יְשַׁעְיָהוּ נ״ז:י״ח

    דרכיו ראיתי וארפאהו ואנחהו ואשלם נחמים לו ולאבליו׃

  10. יְשַׁעְיָהוּ נ״ז:י״ט

    בורא נוב שפתים שלום שלום לרחוק ולקרוב אמר יהוה ורפאתיו׃

  11. יְשַׁעְיָהוּ נ״ז:כ״א

    אין שלום אמר אלהי לרשעים׃

  12. יְשַׁעְיָהוּ נ״ח:א׳

    ¶ קרא בגרון אל תחשך כשופר הרם קולך והגד לעמי פשעם ולבית יעקב חטאתם׃

  13. יְשַׁעְיָהוּ נ״ח:ב׳

    ואותי יום יום ידרשון ודעת דרכי יחפצון כגוי אשר צדקה עשה ומשפט אלהיו לא עזב ישאלוני משפטי צדק קרבת אלהים יחפצון׃

  14. יְשַׁעְיָהוּ נ״ח:ה׳

    הכזה יהיה צום אבחרהו יום ענות אדם נפשו הלכף כאגמן ראשו ושק ואפר יציע הלזה תקרא צום ויום רצון ליהוה׃

  15. יְשַׁעְיָהוּ נ״ח:ו׳

    הלוא זה צום אבחרהו פתח חרצבות רשע התר אגדות מוטה ושלח רצוצים חפשים וכל מוטה תנתקו׃

  16. יְשַׁעְיָהוּ נ״ח:ח׳

    אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃

  17. יְשַׁעְיָהוּ נ״ח:ט׳

    אז תקרא ויהוה יענה תשוע ויאמר הנני אם תסיר מתוכך מוטה שלח אצבע ודבר און׃

  18. יְשַׁעְיָהוּ נ״ח:י״א

    ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃

  19. יְשַׁעְיָהוּ נ״ח:י״ג

    אם תשיב משבת רגלך עשות חפציך ביום קדשי וקראת לשבת ענג לקדוש יהוה מכבד וכבדתו מעשות דרכיך ממצוא חפצך ודבר דבר׃

  20. יְשַׁעְיָהוּ נ״ח:י״ד

    אז תתענג על יהוה והרכבתיך על במותי ארץ והאכלתיך נחלת יעקב אביך כי פי יהוה דבר׃

  21. יְשַׁעְיָהוּ נ״ט:א׳

    ¶ הן לא קצרה יד יהוה מהושיע ולא כבדה אזנו משמוע׃

  22. יְשַׁעְיָהוּ נ״ט:ב׳

    כי אם עונתיכם היו מבדלים בינכם לבין אלהיכם וחטאותיכם הסתירו פנים מכם משמוע׃

  23. יְשַׁעְיָהוּ נ״ט:י״ב

    כי רבו פשעינו נגדך וחטאותינו ענתה בנו כי פשעינו אתנו ועונתינו ידענום׃

  24. יְשַׁעְיָהוּ נ״ט:י״ג

    פשע וכחש ביהוה ונסוג מאחר אלהינו דבר עשק וסרה הרו והגו מלב דברי שקר׃

  25. יְשַׁעְיָהוּ נ״ט:ט״ו

    ותהי האמת נעדרת וסר מרע משתולל וירא יהוה וירע בעיניו כי אין משפט׃