עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ נ״ב:ה׳

    ועתה מה לי פה נאם יהוה כי לקח עמי חנם משלו יהילילו נאם יהוה ותמיד כל היום שמי מנאץ׃

  2. יְשַׁעְיָהוּ נ״ב:ו׳

    לכן ידע עמי שמי לכן ביום ההוא כי אני הוא המדבר הנני׃

  3. יְשַׁעְיָהוּ נ״ב:ז׳

    מה נאוו על ההרים רגלי מבשר משמיע שלום מבשר טוב משמיע ישועה אמר לציון מלך אלהיך׃

  4. יְשַׁעְיָהוּ נ״ב:ח׳

    קול צפיך נשאו קול יחדו ירננו כי עין בעין יראו בשוב יהוה ציון׃

  5. יְשַׁעְיָהוּ נ״ב:ט׳

    פצחו רננו יחדו חרבות ירושלם כי נחם יהוה עמו גאל ירושלם׃

  6. יְשַׁעְיָהוּ נ״ב:י׳

    חשף יהוה את זרוע קדשו לעיני כל הגוים וראו כל אפסי ארץ את ישועת אלהינו׃

  7. יְשַׁעְיָהוּ נ״ב:י״א

    סורו סורו צאו משם טמא אל תגעו צאו מתוכה הברו נשאי כלי יהוה׃

  8. יְשַׁעְיָהוּ נ״ב:י״ב

    כי לא בחפזון תצאו ובמנוסה לא תלכון כי הלך לפניכם יהוה ומאספכם אלהי ישראל׃

  9. יְשַׁעְיָהוּ נ״ב:י״ג

    הנה ישכיל עבדי ירום ונשא וגבה מאד׃

  10. יְשַׁעְיָהוּ נ״ב:י״ד

    כאשר שממו עליך רבים כן משחת מאיש מראהו ותארו מבני אדם׃

  11. יְשַׁעְיָהוּ נ״ג:א׳

    ¶ מי האמין לשמעתנו וזרוע יהוה על מי נגלתה׃

  12. יְשַׁעְיָהוּ נ״ג:ב׳

    ויעל כיונק לפניו וכשרש מארץ ציה לא תאר לו ולא הדר ונראהו ולא מראה ונחמדהו׃

  13. יְשַׁעְיָהוּ נ״ג:ד׳

    אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃

  14. יְשַׁעְיָהוּ נ״ג:ו׳

    כלנו כצאן תעינו איש לדרכו פנינו ויהוה הפגיע בו את עון כלנו׃

  15. יְשַׁעְיָהוּ נ״ג:ח׳

    מעצר וממשפט לקח ואת דורו מי ישוחח כי נגזר מארץ חיים מפשע עמי נגע למו׃

  16. יְשַׁעְיָהוּ נ״ג:י׳

    ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃

  17. יְשַׁעְיָהוּ נ״ג:י״א

    מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃

  18. יְשַׁעְיָהוּ נ״ג:י״ב

    לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃

  19. יְשַׁעְיָהוּ נ״ד:א׳

    ¶ רני עקרה לא ילדה פצחי רנה וצהלי לא חלה כי רבים בני שוממה מבני בעולה אמר יהוה׃

  20. יְשַׁעְיָהוּ נ״ד:ה׳

    כי בעליך עשיך יהוה צבאות שמו וגאלך קדוש ישראל אלהי כל הארץ יקרא׃

  21. יְשַׁעְיָהוּ נ״ד:ו׳

    כי כאשה עזובה ועצובת רוח קראך יהוה ואשת נעורים כי תמאס אמר אלהיך׃

  22. יְשַׁעְיָהוּ נ״ד:ז׳

    ברגע קטן עזבתיך וברחמים גדלים אקבצך׃

  23. יְשַׁעְיָהוּ נ״ד:ח׳

    בשצף קצף הסתרתי פני רגע ממך ובחסד עולם רחמתיך אמר גאלך יהוה׃

  24. יְשַׁעְיָהוּ נ״ד:ט׳

    כי מי נח זאת לי אשר נשבעתי מעבר מי נח עוד על הארץ כן נשבעתי מקצף עליך ומגער בך׃

  25. יְשַׁעְיָהוּ נ״ד:י׳

    כי ההרים ימושו והגבעות תמוטנה וחסדי מאתך לא ימוש וברית שלומי לא תמוט אמר מרחמך יהוה׃