עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ נ׳:ד׳

    אדני יהוה נתן לי לשון למודים לדעת לעות את יעף דבר יעיר בבקר בבקר יעיר לי אזן לשמע כלמודים׃

  2. יְשַׁעְיָהוּ נ׳:ה׳

    אדני יהוה פתח לי אזן ואנכי לא מריתי אחור לא נסוגתי׃

  3. יְשַׁעְיָהוּ נ׳:ז׳

    ואדני יהוה יעזר לי על כן לא נכלמתי על כן שמתי פני כחלמיש ואדע כי לא אבוש׃

  4. יְשַׁעְיָהוּ נ׳:ט׳

    הן אדני יהוה יעזר לי מי הוא ירשיעני הן כלם כבגד יבלו עש יאכלם׃

  5. יְשַׁעְיָהוּ נ׳:י׳

    מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו׃

  6. יְשַׁעְיָהוּ נ״א:א׳

    ¶ שמעו אלי רדפי צדק מבקשי יהוה הביטו אל צור חצבתם ואל מקבת בור נקרתם׃

  7. יְשַׁעְיָהוּ נ״א:ב׳

    הביטו אל אברהם אביכם ואל שרה תחוללכם כי אחד קראתיו ואברכהו וארבהו׃

  8. יְשַׁעְיָהוּ נ״א:ג׳

    כי נחם יהוה ציון נחם כל חרבתיה וישם מדברה כעדן וערבתה כגן יהוה ששון ושמחה ימצא בה תודה וקול זמרה׃

  9. יְשַׁעְיָהוּ נ״א:ד׳

    הקשיבו אלי עמי ולאומי אלי האזינו כי תורה מאתי תצא ומשפטי לאור עמים ארגיע׃

  10. יְשַׁעְיָהוּ נ״א:ה׳

    קרוב צדקי יצא ישעי וזרעי עמים ישפטו אלי איים יקוו ואל זרעי ייחלון׃

  11. יְשַׁעְיָהוּ נ״א:ו׳

    שאו לשמים עיניכם והביטו אל הארץ מתחת כי שמים כעשן נמלחו והארץ כבגד תבלה וישביה כמו כן ימותון וישועתי לעולם תהיה וצדקתי לא תחת׃

  12. יְשַׁעְיָהוּ נ״א:ז׳

    שמעו אלי ידעי צדק עם תורתי בלבם אל תיראו חרפת אנוש ומגדפתם אל תחתו׃

  13. יְשַׁעְיָהוּ נ״א:ח׳

    כי כבגד יאכלם עש וכצמר יאכלם סס וצדקתי לעולם תהיה וישועתי לדור דורים׃

  14. יְשַׁעְיָהוּ נ״א:ט׳

    עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

  15. יְשַׁעְיָהוּ נ״א:י״א

    ופדויי יהוה ישובון ובאו ציון ברנה ושמחת עולם על ראשם ששון ושמחה ישיגון נסו יגון ואנחה׃

  16. יְשַׁעְיָהוּ נ״א:י״ב

    אנכי אנכי הוא מנחמכם מי את ותיראי מאנוש ימות ומבן אדם חציר ינתן׃

  17. יְשַׁעְיָהוּ נ״א:י״ג

    ותשכח יהוה עשך נוטה שמים ויסד ארץ ותפחד תמיד כל היום מפני חמת המציק כאשר כונן להשחית ואיה חמת המציק׃

  18. יְשַׁעְיָהוּ נ״א:ט״ו

    ואנכי יהוה אלהיך רגע הים ויהמו גליו יהוה צבאות שמו׃

  19. יְשַׁעְיָהוּ נ״א:ט״ז

    ואשים דברי בפיך ובצל ידי כסיתיך לנטע שמים וליסד ארץ ולאמר לציון עמי אתה׃

  20. יְשַׁעְיָהוּ נ״א:י״ז

    התעוררי התעוררי קומי ירושלם אשר שתית מיד יהוה את כוס חמתו את קבעת כוס התרעלה שתית מצית׃

  21. יְשַׁעְיָהוּ נ״א:כ׳

    בניך עלפו שכבו בראש כל חוצות כתוא מכמר המלאים חמת יהוה גערת אלהיך׃

  22. יְשַׁעְיָהוּ נ״א:כ״ב

    כה אמר אדניך יהוה ואלהיך יריב עמו הנה לקחתי מידך את כוס התרעלה את קבעת כוס חמתי לא תוסיפי לשתותה עוד׃

  23. יְשַׁעְיָהוּ נ״א:כ״ג

    ושמתיה ביד מוגיך אשר אמרו לנפשך שחי ונעברה ותשימי כארץ גוך וכחוץ לעברים׃

  24. יְשַׁעְיָהוּ נ״ב:ג׳

    כי כה אמר יהוה חנם נמכרתם ולא בכסף תגאלו׃

  25. יְשַׁעְיָהוּ נ״ב:ד׳

    כי כה אמר אדני יהוה מצרים ירד עמי בראשנה לגור שם ואשור באפס עשקו׃