עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ מ״ט:א׳

    ¶ שמעו איים אלי והקשיבו לאמים מרחוק יהוה מבטן קראני ממעי אמי הזכיר שמי׃

  2. יְשַׁעְיָהוּ מ״ט:ב׳

    וישם פי כחרב חדה בצל ידו החביאני וישימני לחץ ברור באשפתו הסתירני׃

  3. יְשַׁעְיָהוּ מ״ט:ג׳

    ויאמר לי עבדי אתה ישראל אשר בך אתפאר׃

  4. יְשַׁעְיָהוּ מ״ט:ד׳

    ואני אמרתי לריק יגעתי לתהו והבל כחי כליתי אכן משפטי את יהוה ופעלתי את אלהי׃

  5. יְשַׁעְיָהוּ מ״ט:ה׳

    ועתה אמר יהוה יצרי מבטן לעבד לו לשובב יעקב אליו וישראל לא יאסף ואכבד בעיני יהוה ואלהי היה עזי׃

  6. יְשַׁעְיָהוּ מ״ט:ו׳

    ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ׃

  7. יְשַׁעְיָהוּ מ״ט:ז׳

    כה אמר יהוה גאל ישראל קדושו לבזה נפש למתעב גוי לעבד משלים מלכים יראו וקמו שרים וישתחוו למען יהוה אשר נאמן קדש ישראל ויבחרך׃

  8. יְשַׁעְיָהוּ מ״ט:ח׳

    כה אמר יהוה בעת רצון עניתיך וביום ישועה עזרתיך ואצרך ואתנך לברית עם להקים ארץ להנחיל נחלות שממות׃

  9. יְשַׁעְיָהוּ מ״ט:ט׳

    לאמר לאסורים צאו לאשר בחשך הגלו על דרכים ירעו ובכל שפיים מרעיתם׃

  10. יְשַׁעְיָהוּ מ״ט:י׳

    לא ירעבו ולא יצמאו ולא יכם שרב ושמש כי מרחמם ינהגם ועל מבועי מים ינהלם׃

  11. יְשַׁעְיָהוּ מ״ט:י״א

    ושמתי כל הרי לדרך ומסלתי ירמון׃

  12. יְשַׁעְיָהוּ מ״ט:י״ג

    רנו שמים וגילי ארץ יפצחו הרים רנה כי נחם יהוה עמו ועניו ירחם׃

  13. יְשַׁעְיָהוּ מ״ט:י״ד

    ותאמר ציון עזבני יהוה ואדני שכחני׃

  14. יְשַׁעְיָהוּ מ״ט:ט״ו

    התשכח אשה עולה מרחם בן בטנה גם אלה תשכחנה ואנכי לא אשכחך׃

  15. יְשַׁעְיָהוּ מ״ט:ט״ז

    הן על כפים חקתיך חומתיך נגדי תמיד׃

  16. יְשַׁעְיָהוּ מ״ט:י״ח

    שאי סביב עיניך וראי כלם נקבצו באו לך חי אני נאם יהוה כי כלם כעדי תלבשי ותקשרים ככלה׃

  17. יְשַׁעְיָהוּ מ״ט:כ׳

    עוד יאמרו באזניך בני שכליך צר לי המקום גשה לי ואשבה׃

  18. יְשַׁעְיָהוּ מ״ט:כ״א

    ואמרת בלבבך מי ילד לי את אלה ואני שכולה וגלמודה גלה וסורה ואלה מי גדל הן אני נשארתי לבדי אלה איפה הם׃

  19. יְשַׁעְיָהוּ מ״ט:כ״ב

    כה אמר אדני יהוה הנה אשא אל גוים ידי ואל עמים ארים נסי והביאו בניך בחצן ובנתיך על כתף תנשאנה׃

  20. יְשַׁעְיָהוּ מ״ט:כ״ג

    והיו מלכים אמניך ושרותיהם מיניקתיך אפים ארץ ישתחוו לך ועפר רגליך ילחכו וידעת כי אני יהוה אשר לא יבשו קוי׃

  21. יְשַׁעְיָהוּ מ״ט:כ״ה

    כי כה אמר יהוה גם שבי גבור יקח ומלקוח עריץ ימלט ואת יריבך אנכי אריב ואת בניך אנכי אושיע׃

  22. יְשַׁעְיָהוּ מ״ט:כ״ו

    והאכלתי את מוניך את בשרם וכעסיס דמם ישכרון וידעו כל בשר כי אני יהוה מושיעך וגאלך אביר יעקב׃

  23. יְשַׁעְיָהוּ נ׳:א׳

    ¶ כה אמר יהוה אי זה ספר כריתות אמכם אשר שלחתיה או מי מנושי אשר מכרתי אתכם לו הן בעונתיכם נמכרתם ובפשעיכם שלחה אמכם׃

  24. יְשַׁעְיָהוּ נ׳:ב׳

    מדוע באתי ואין איש קראתי ואין עונה הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא׃

  25. יְשַׁעְיָהוּ נ׳:ג׳

    אלביש שמים קדרות ושק אשים כסותם׃