עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ס״ג:י״ז

    למה תתענו יהוה מדרכיך תקשיח לבנו מיראתך שוב למען עבדיך שבטי נחלתך׃

  2. יְשַׁעְיָהוּ ס״ג:י״ח

    למצער ירשו עם קדשך צרינו בוססו מקדשך׃

  3. יְשַׁעְיָהוּ ס״ג:י״ט

    היינו מעולם לא משלת בם לא נקרא שמך עליהם׃

  4. יְשַׁעְיָהוּ ס״ד:א׳

    ¶ לוא קרעת שמים ירדת מפניך הרים נזלו׃

  5. יְשַׁעְיָהוּ ס״ד:ב׳

    כקדח אש המסים מים תבעה אש להודיע שמך לצריך מפניך גוים ירגזו׃

  6. יְשַׁעְיָהוּ ס״ד:ג׳

    בעשותך נוראות לא נקוה ירדת מפניך הרים נזלו׃

  7. יְשַׁעְיָהוּ ס״ד:ד׳

    ומעולם לא שמעו לא האזינו עין לא ראתה אלהים זולתך יעשה למחכה לו׃

  8. יְשַׁעְיָהוּ ס״ד:ה׳

    פגעת את שש ועשה צדק בדרכיך יזכרוך הן אתה קצפת ונחטא בהם עולם ונושע׃

  9. יְשַׁעְיָהוּ ס״ד:ז׳

    ואין קורא בשמך מתעורר להחזיק בך כי הסתרת פניך ממנו ותמוגנו ביד עוננו׃

  10. יְשַׁעְיָהוּ ס״ד:ח׳

    ועתה יהוה אבינו אתה אנחנו החמר ואתה יצרנו ומעשה ידך כלנו׃

  11. יְשַׁעְיָהוּ ס״ד:ט׳

    אל תקצף יהוה עד מאד ואל לעד תזכר עון הן הבט נא עמך כלנו׃

  12. יְשַׁעְיָהוּ ס״ד:י״ב

    העל אלה תתאפק יהוה תחשה ותעננו עד מאד׃

  13. יְשַׁעְיָהוּ ס״ה:א׳

    ¶ נדרשתי ללוא שאלו נמצאתי ללא בקשני אמרתי הנני הנני אל גוי לא קרא בשמי׃

  14. יְשַׁעְיָהוּ ס״ה:ב׳

    פרשתי ידי כל היום אל עם סורר ההלכים הדרך לא טוב אחר מחשבתיהם׃

  15. יְשַׁעְיָהוּ ס״ה:ג׳

    העם המכעיסים אותי על פני תמיד זבחים בגנות ומקטרים על הלבנים׃

  16. יְשַׁעְיָהוּ ס״ה:ה׳

    האמרים קרב אליך אל תגש בי כי קדשתיך אלה עשן באפי אש יקדת כל היום׃

  17. יְשַׁעְיָהוּ ס״ה:ו׳

    הנה כתובה לפני לא אחשה כי אם שלמתי ושלמתי על חיקם׃

  18. יְשַׁעְיָהוּ ס״ה:ז׳

    עונתיכם ועונת אבותיכם יחדו אמר יהוה אשר קטרו על ההרים ועל הגבעות חרפוני ומדתי פעלתם ראשנה על חיקם׃

  19. יְשַׁעְיָהוּ ס״ה:ח׳

    כה אמר יהוה כאשר ימצא התירוש באשכול ואמר אל תשחיתהו כי ברכה בו כן אעשה למען עבדי לבלתי השחית הכל׃

  20. יְשַׁעְיָהוּ ס״ה:ט׳

    והוצאתי מיעקב זרע ומיהודה יורש הרי וירשוה בחירי ועבדי ישכנו שמה׃

  21. יְשַׁעְיָהוּ ס״ה:י׳

    והיה השרון לנוה צאן ועמק עכור לרבץ בקר לעמי אשר דרשוני׃

  22. יְשַׁעְיָהוּ ס״ה:י״א

    ואתם עזבי יהוה השכחים את הר קדשי הערכים לגד שלחן והממלאים למני ממסך׃

  23. יְשַׁעְיָהוּ ס״ה:י״ב

    ומניתי אתכם לחרב וכלכם לטבח תכרעו יען קראתי ולא עניתם דברתי ולא שמעתם ותעשו הרע בעיני ובאשר לא חפצתי בחרתם׃

  24. יְשַׁעְיָהוּ ס״ה:י״ג

    לכן כה אמר אדני יהוה הנה עבדי יאכלו ואתם תרעבו הנה עבדי ישתו ואתם תצמאו הנה עבדי ישמחו ואתם תבשו׃

  25. יְשַׁעְיָהוּ ס״ה:י״ד

    הנה עבדי ירנו מטוב לב ואתם תצעקו מכאב לב ומשבר רוח תילילו׃