עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ס״ו:כ״ב

    כי כאשר השמים החדשים והארץ החדשה אשר אני עשה עמדים לפני נאם יהוה כן יעמד זרעכם ושמכם׃

  2. יְשַׁעְיָהוּ ס״ו:כ״ג

    והיה מדי חדש בחדשו ומדי שבת בשבתו יבוא כל בשר להשתחות לפני אמר יהוה׃

  3. יְשַׁעְיָהוּ ס״ו:כ״ד

    ויצאו וראו בפגרי האנשים הפשעים בי כי תולעתם לא תמות ואשם לא תכבה והיו דראון לכל בשר׃

  4. יִרְמְיָהוּ א׳:ב׳

    אשר היה דבר יהוה אליו בימי יאשיהו בן אמון מלך יהודה בשלש עשרה שנה למלכו׃

  5. יִרְמְיָהוּ א׳:ד׳

    ויהי דבר יהוה אלי לאמר׃

  6. יִרְמְיָהוּ א׳:ה׳

    בטרם אצורך בבטן ידעתיך ובטרם תצא מרחם הקדשתיך נביא לגוים נתתיך׃

  7. יִרְמְיָהוּ א׳:ו׳

    ואמר אהה אדני יהוה הנה לא ידעתי דבר כי נער אנכי׃

  8. יִרְמְיָהוּ א׳:ז׳

    ויאמר יהוה אלי אל תאמר נער אנכי כי על כל אשר אשלחך תלך ואת כל אשר אצוך תדבר׃

  9. יִרְמְיָהוּ א׳:ח׳

    אל תירא מפניהם כי אתך אני להצלך נאם יהוה׃

  10. יִרְמְיָהוּ א׳:ט׳

    וישלח יהוה את ידו ויגע על פי ויאמר יהוה אלי הנה נתתי דברי בפיך׃

  11. יִרְמְיָהוּ א׳:י׳

    ראה הפקדתיך היום הזה על הגוים ועל הממלכות לנתוש ולנתוץ ולהאביד ולהרוס לבנות ולנטוע׃

  12. יִרְמְיָהוּ א׳:י״א

    ויהי דבר יהוה אלי לאמר מה אתה ראה ירמיהו ואמר מקל שקד אני ראה׃

  13. יִרְמְיָהוּ א׳:י״ב

    ויאמר יהוה אלי היטבת לראות כי שקד אני על דברי לעשתו׃

  14. יִרְמְיָהוּ א׳:י״ג

    ויהי דבר יהוה אלי שנית לאמר מה אתה ראה ואמר סיר נפוח אני ראה ופניו מפני צפונה׃

  15. יִרְמְיָהוּ א׳:י״ד

    ויאמר יהוה אלי מצפון תפתח הרעה על כל ישבי הארץ׃

  16. יִרְמְיָהוּ א׳:ט״ו

    כי הנני קרא לכל משפחות ממלכות צפונה נאם יהוה ובאו ונתנו איש כסאו פתח שערי ירושלם ועל כל חומתיה סביב ועל כל ערי יהודה׃

  17. יִרְמְיָהוּ א׳:ט״ז

    ודברתי משפטי אותם על כל רעתם אשר עזבוני ויקטרו לאלהים אחרים וישתחוו למעשי ידיהם׃

  18. יִרְמְיָהוּ א׳:י״ז

    ואתה תאזר מתניך וקמת ודברת אליהם את כל אשר אנכי אצוך אל תחת מפניהם פן אחתך לפניהם׃

  19. יִרְמְיָהוּ א׳:י״ח

    ואני הנה נתתיך היום לעיר מבצר ולעמוד ברזל ולחמות נחשת על כל הארץ למלכי יהודה לשריה לכהניה ולעם הארץ׃

  20. יִרְמְיָהוּ א׳:י״ט

    ונלחמו אליך ולא יוכלו לך כי אתך אני נאם יהוה להצילך׃

  21. יִרְמְיָהוּ ב׳:א׳

    ¶ ויהי דבר יהוה אלי לאמר׃

  22. יִרְמְיָהוּ ב׳:ב׳

    הלך וקראת באזני ירושלם לאמר כה אמר יהוה זכרתי לך חסד נעוריך אהבת כלולתיך לכתך אחרי במדבר בארץ לא זרועה׃

  23. יִרְמְיָהוּ ב׳:ג׳

    קדש ישראל ליהוה ראשית תבואתה כל אכליו יאשמו רעה תבא אליהם נאם יהוה׃

  24. יִרְמְיָהוּ ב׳:ד׳

    שמעו דבר יהוה בית יעקב וכל משפחות בית ישראל׃

  25. יִרְמְיָהוּ ב׳:ה׳

    כה אמר יהוה מה מצאו אבותיכם בי עול כי רחקו מעלי וילכו אחרי ההבל ויהבלו׃