עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ס״ה:ט״ו

    והנחתם שמכם לשבועה לבחירי והמיתך אדני יהוה ולעבדיו יקרא שם אחר׃

  2. יְשַׁעְיָהוּ ס״ה:ט״ז

    אשר המתברך בארץ יתברך באלהי אמן והנשבע בארץ ישבע באלהי אמן כי נשכחו הצרות הראשנות וכי נסתרו מעיני׃

  3. יְשַׁעְיָהוּ ס״ה:י״ז

    כי הנני בורא שמים חדשים וארץ חדשה ולא תזכרנה הראשנות ולא תעלינה על לב׃

  4. יְשַׁעְיָהוּ ס״ה:י״ח

    כי אם שישו וגילו עדי עד אשר אני בורא כי הנני בורא את ירושלם גילה ועמה משוש׃

  5. יְשַׁעְיָהוּ ס״ה:י״ט

    וגלתי בירושלם וששתי בעמי ולא ישמע בה עוד קול בכי וקול זעקה׃

  6. יְשַׁעְיָהוּ ס״ה:כ״ב

    לא יבנו ואחר ישב לא יטעו ואחר יאכל כי כימי העץ ימי עמי ומעשה ידיהם יבלו בחירי׃

  7. יְשַׁעְיָהוּ ס״ה:כ״ג

    לא ייגעו לריק ולא ילדו לבהלה כי זרע ברוכי יהוה המה וצאצאיהם אתם׃

  8. יְשַׁעְיָהוּ ס״ה:כ״ד

    והיה טרם יקראו ואני אענה עוד הם מדברים ואני אשמע׃

  9. יְשַׁעְיָהוּ ס״ה:כ״ה

    זאב וטלה ירעו כאחד ואריה כבקר יאכל תבן ונחש עפר לחמו לא ירעו ולא ישחיתו בכל הר קדשי אמר יהוה׃

  10. יְשַׁעְיָהוּ ס״ו:א׳

    ¶ כה אמר יהוה השמים כסאי והארץ הדם רגלי אי זה בית אשר תבנו לי ואי זה מקום מנוחתי׃

  11. יְשַׁעְיָהוּ ס״ו:ב׳

    ואת כל אלה ידי עשתה ויהיו כל אלה נאם יהוה ואל זה אביט אל עני ונכה רוח וחרד על דברי׃

  12. יְשַׁעְיָהוּ ס״ו:ד׳

    גם אני אבחר בתעלליהם ומגורתם אביא להם יען קראתי ואין עונה דברתי ולא שמעו ויעשו הרע בעיני ובאשר לא חפצתי בחרו׃

  13. יְשַׁעְיָהוּ ס״ו:ה׳

    שמעו דבר יהוה החרדים אל דברו אמרו אחיכם שנאיכם מנדיכם למען שמי יכבד יהוה ונראה בשמחתכם והם יבשו׃

  14. יְשַׁעְיָהוּ ס״ו:ו׳

    קול שאון מעיר קול מהיכל קול יהוה משלם גמול לאיביו׃

  15. יְשַׁעְיָהוּ ס״ו:ט׳

    האני אשביר ולא אוליד יאמר יהוה אם אני המוליד ועצרתי אמר אלהיך׃

  16. יְשַׁעְיָהוּ ס״ו:י״ב

    כי כה אמר יהוה הנני נטה אליה כנהר שלום וכנחל שוטף כבוד גוים וינקתם על צד תנשאו ועל ברכים תשעשעו׃

  17. יְשַׁעְיָהוּ ס״ו:י״ג

    כאיש אשר אמו תנחמנו כן אנכי אנחמכם ובירושלם תנחמו׃

  18. יְשַׁעְיָהוּ ס״ו:י״ד

    וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו׃

  19. יְשַׁעְיָהוּ ס״ו:ט״ו

    כי הנה יהוה באש יבוא וכסופה מרכבתיו להשיב בחמה אפו וגערתו בלהבי אש׃

  20. יְשַׁעְיָהוּ ס״ו:ט״ז

    כי באש יהוה נשפט ובחרבו את כל בשר ורבו חללי יהוה׃

  21. יְשַׁעְיָהוּ ס״ו:י״ז

    המתקדשים והמטהרים אל הגנות אחר אחד בתוך אכלי בשר החזיר והשקץ והעכבר יחדו יספו נאם יהוה׃

  22. יְשַׁעְיָהוּ ס״ו:י״ח

    ואנכי מעשיהם ומחשבתיהם באה לקבץ את כל הגוים והלשנות ובאו וראו את כבודי׃

  23. יְשַׁעְיָהוּ ס״ו:י״ט

    ושמתי בהם אות ושלחתי מהם פליטים אל הגוים תרשיש פול ולוד משכי קשת תבל ויון האיים הרחקים אשר לא שמעו את שמעי ולא ראו את כבודי והגידו את כבודי בגוים׃

  24. יְשַׁעְיָהוּ ס״ו:כ׳

    והביאו את כל אחיכם מכל הגוים מנחה ליהוה בסוסים וברכב ובצבים ובפרדים ובכרכרות על הר קדשי ירושלם אמר יהוה כאשר יביאו בני ישראל את המנחה בכלי טהור בית יהוה׃

  25. יְשַׁעְיָהוּ ס״ו:כ״א

    וגם מהם אקח לכהנים ללוים אמר יהוה׃