עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ י״א:ה׳

    והיה צדק אזור מתניו והאמונה אזור חלציו׃

  2. יְשַׁעְיָהוּ י״א:ט׳

    לא ירעו ולא ישחיתו בכל הר קדשי כי מלאה הארץ דעה את יהוה כמים לים מכסים׃

  3. יְשַׁעְיָהוּ י״א:י׳

    והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד׃

  4. יְשַׁעְיָהוּ י״א:י״א

    והיה ביום ההוא יוסיף אדני שנית ידו לקנות את שאר עמו אשר ישאר מאשור וממצרים ומפתרוס ומכוש ומעילם ומשנער ומחמת ומאיי הים׃

  5. יְשַׁעְיָהוּ י״א:י״ב

    ונשא נס לגוים ואסף נדחי ישראל ונפצות יהודה יקבץ מארבע כנפות הארץ׃

  6. יְשַׁעְיָהוּ י״א:ט״ו

    והחרים יהוה את לשון ים מצרים והניף ידו על הנהר בעים רוחו והכהו לשבעה נחלים והדריך בנעלים׃

  7. יְשַׁעְיָהוּ י״א:ט״ז

    והיתה מסלה לשאר עמו אשר ישאר מאשור כאשר היתה לישראל ביום עלתו מארץ מצרים׃

  8. יְשַׁעְיָהוּ י״ב:א׳

    ¶ ואמרת ביום ההוא אודך יהוה כי אנפת בי ישב אפך ותנחמני׃

  9. יְשַׁעְיָהוּ י״ב:ב׳

    הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

  10. יְשַׁעְיָהוּ י״ב:ד׳

    ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃

  11. יְשַׁעְיָהוּ י״ב:ה׳

    זמרו יהוה כי גאות עשה מידעת זאת בכל הארץ׃

  12. יְשַׁעְיָהוּ י״ב:ו׳

    צהלי ורני יושבת ציון כי גדול בקרבך קדוש ישראל׃

  13. יְשַׁעְיָהוּ י״ג:ג׳

    אני צויתי למקדשי גם קראתי גבורי לאפי עליזי גאותי׃

  14. יְשַׁעְיָהוּ י״ג:ד׳

    קול המון בהרים דמות עם רב קול שאון ממלכות גוים נאספים יהוה צבאות מפקד צבא מלחמה׃

  15. יְשַׁעְיָהוּ י״ג:ה׳

    באים מארץ מרחק מקצה השמים יהוה וכלי זעמו לחבל כל הארץ׃

  16. יְשַׁעְיָהוּ י״ג:ו׳

    הילילו כי קרוב יום יהוה כשד משדי יבוא׃

  17. יְשַׁעְיָהוּ י״ג:ט׳

    הנה יום יהוה בא אכזרי ועברה וחרון אף לשום הארץ לשמה וחטאיה ישמיד ממנה׃

  18. יְשַׁעְיָהוּ י״ג:י״א

    ופקדתי על תבל רעה ועל רשעים עונם והשבתי גאון זדים וגאות עריצים אשפיל׃

  19. יְשַׁעְיָהוּ י״ג:י״ב

    אוקיר אנוש מפז ואדם מכתם אופיר׃

  20. יְשַׁעְיָהוּ י״ג:י״ג

    על כן שמים ארגיז ותרעש הארץ ממקומה בעברת יהוה צבאות וביום חרון אפו׃

  21. יְשַׁעְיָהוּ י״ג:י״ז

    הנני מעיר עליהם את מדי אשר כסף לא יחשבו וזהב לא יחפצו בו׃

  22. יְשַׁעְיָהוּ י״ג:י״ט

    והיתה בבל צבי ממלכות תפארת גאון כשדים כמהפכת אלהים את סדם ואת עמרה׃

  23. יְשַׁעְיָהוּ י״ד:א׳

    ¶ כי ירחם יהוה את יעקב ובחר עוד בישראל והניחם על אדמתם ונלוה הגר עליהם ונספחו על בית יעקב׃

  24. יְשַׁעְיָהוּ י״ד:ב׳

    ולקחום עמים והביאום אל מקומם והתנחלום בית ישראל על אדמת יהוה לעבדים ולשפחות והיו שבים לשביהם ורדו בנגשיהם׃

  25. יְשַׁעְיָהוּ י״ד:ג׳

    והיה ביום הניח יהוה לך מעצבך ומרגזך ומן העבדה הקשה אשר עבד בך׃