עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ט׳:י״ג

    והעם לא שב עד המכהו ואת יהוה צבאות לא דרשו׃

  2. יְשַׁעְיָהוּ ט׳:י״ד

    ויכרת יהוה מישראל ראש וזנב כפה ואגמון יום אחד׃

  3. יְשַׁעְיָהוּ ט׳:י״ז

    על כן על בחוריו לא ישמח אדני ואת יתמיו ואת אלמנתיו לא ירחם כי כלו חנף ומרע וכל פה דבר נבלה בכל זאת לא שב אפו ועוד ידו נטויה׃

  4. יְשַׁעְיָהוּ ט׳:י״ט

    בעברת יהוה צבאות נעתם ארץ ויהי העם כמאכלת אש איש אל אחיו לא יחמלו׃

  5. יְשַׁעְיָהוּ ט׳:כ״א

    מנשה את אפרים ואפרים את מנשה יחדו המה על יהודה בכל זאת לא שב אפו ועוד ידו נטויה׃

  6. יְשַׁעְיָהוּ י׳:ב׳

    להטות מדין דלים ולגזל משפט עניי עמי להיות אלמנות שללם ואת יתומים יבזו׃

  7. יְשַׁעְיָהוּ י׳:ד׳

    בלתי כרע תחת אסיר ותחת הרוגים יפלו בכל זאת לא שב אפו ועוד ידו נטויה׃

  8. יְשַׁעְיָהוּ י׳:ה׳

    הוי אשור שבט אפי ומטה הוא בידם זעמי׃

  9. יְשַׁעְיָהוּ י׳:ו׳

    בגוי חנף אשלחנו ועל עם עברתי אצונו לשלל שלל ולבז בז ולשימו מרמס כחמר חוצות׃

  10. יְשַׁעְיָהוּ י׳:י״א

    הלא כאשר עשיתי לשמרון ולאליליה כן אעשה לירושלם ולעצביה׃

  11. יְשַׁעְיָהוּ י׳:י״ב

    והיה כי יבצע אדני את כל מעשהו בהר ציון ובירושלם אפקד על פרי גדל לבב מלך אשור ועל תפארת רום עיניו׃

  12. יְשַׁעְיָהוּ י׳:ט״ז

    לכן ישלח האדון יהוה צבאות במשמניו רזון ותחת כבדו יקד יקד כיקוד אש׃

  13. יְשַׁעְיָהוּ י׳:י״ז

    והיה אור ישראל לאש וקדושו ללהבה ובערה ואכלה שיתו ושמירו ביום אחד׃

  14. יְשַׁעְיָהוּ י׳:כ׳

    והיה ביום ההוא לא יוסיף עוד שאר ישראל ופליטת בית יעקב להשען על מכהו ונשען על יהוה קדוש ישראל באמת׃

  15. יְשַׁעְיָהוּ י׳:כ״א

    שאר ישוב שאר יעקב אל אל גבור׃

  16. יְשַׁעְיָהוּ י׳:כ״ב

    כי אם יהיה עמך ישראל כחול הים שאר ישוב בו כליון חרוץ שוטף צדקה׃

  17. יְשַׁעְיָהוּ י׳:כ״ג

    כי כלה ונחרצה אדני יהוה צבאות עשה בקרב כל הארץ׃

  18. יְשַׁעְיָהוּ י׳:כ״ד

    לכן כה אמר אדני יהוה צבאות אל תירא עמי ישב ציון מאשור בשבט יככה ומטהו ישא עליך בדרך מצרים׃

  19. יְשַׁעְיָהוּ י׳:כ״ה

    כי עוד מעט מזער וכלה זעם ואפי על תבליתם׃

  20. יְשַׁעְיָהוּ י׳:כ״ו

    ועורר עליו יהוה צבאות שוט כמכת מדין בצור עורב ומטהו על הים ונשאו בדרך מצרים׃

  21. יְשַׁעְיָהוּ י׳:ל״ג

    הנה האדון יהוה צבאות מסעף פארה במערצה ורמי הקומה גדועים והגבהים ישפלו׃

  22. יְשַׁעְיָהוּ י׳:ל״ד

    ונקף סבכי היער בברזל והלבנון באדיר יפול׃

  23. יְשַׁעְיָהוּ י״א:ב׳

    ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃

  24. יְשַׁעְיָהוּ י״א:ג׳

    והריחו ביראת יהוה ולא למראה עיניו ישפוט ולא למשמע אזניו יוכיח׃

  25. יְשַׁעְיָהוּ י״א:ד׳

    ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃