עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ ה׳:ד׳

    מה לעשות עוד לכרמי ולא עשיתי בו מדוע קויתי לעשות ענבים ויעש באשים׃

  2. יְשַׁעְיָהוּ ה׳:ה׳

    ועתה אודיעה נא אתכם את אשר אני עשה לכרמי הסר משוכתו והיה לבער פרץ גדרו והיה למרמס׃

  3. יְשַׁעְיָהוּ ה׳:ו׳

    ואשיתהו בתה לא יזמר ולא יעדר ועלה שמיר ושית ועל העבים אצוה מהמטיר עליו מטר׃

  4. יְשַׁעְיָהוּ ה׳:ז׳

    כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה׃

  5. יְשַׁעְיָהוּ ה׳:ט׳

    באזני יהוה צבאות אם לא בתים רבים לשמה יהיו גדלים וטובים מאין יושב׃

  6. יְשַׁעְיָהוּ ה׳:י״ב

    והיה כנור ונבל תף וחליל ויין משתיהם ואת פעל יהוה לא יביטו ומעשה ידיו לא ראו׃

  7. יְשַׁעְיָהוּ ה׳:י״ג

    לכן גלה עמי מבלי דעת וכבודו מתי רעב והמונו צחה צמא׃

  8. יְשַׁעְיָהוּ ה׳:ט״ז

    ויגבה יהוה צבאות במשפט והאל הקדוש נקדש בצדקה׃

  9. יְשַׁעְיָהוּ ה׳:י״ט

    האמרים ימהר יחישה מעשהו למען נראה ותקרב ותבואה עצת קדוש ישראל ונדעה׃

  10. יְשַׁעְיָהוּ ה׳:כ״ד

    לכן כאכל קש לשון אש וחשש להבה ירפה שרשם כמק יהיה ופרחם כאבק יעלה כי מאסו את תורת יהוה צבאות ואת אמרת קדוש ישראל נאצו׃

  11. יְשַׁעְיָהוּ ה׳:כ״ה

    על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שב אפו ועוד ידו נטויה׃

  12. יְשַׁעְיָהוּ ה׳:כ״ו

    ונשא נס לגוים מרחוק ושרק לו מקצה הארץ והנה מהרה קל יבוא׃

  13. יְשַׁעְיָהוּ ו׳:א׳

    ¶ בשנת מות המלך עזיהו ואראה את אדני ישב על כסא רם ונשא ושוליו מלאים את ההיכל׃

  14. יְשַׁעְיָהוּ ו׳:ג׳

    וקרא זה אל זה ואמר קדוש קדוש קדוש יהוה צבאות מלא כל הארץ כבודו׃

  15. יְשַׁעְיָהוּ ו׳:ה׳

    ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃

  16. יְשַׁעְיָהוּ ו׳:ח׳

    ואשמע את קול אדני אמר את מי אשלח ומי ילך לנו ואמר הנני שלחני׃

  17. יְשַׁעְיָהוּ ו׳:ט׳

    ויאמר לך ואמרת לעם הזה שמעו שמוע ואל תבינו וראו ראו ואל תדעו׃

  18. יְשַׁעְיָהוּ ו׳:י״א

    ואמר עד מתי אדני ויאמר עד אשר אם שאו ערים מאין יושב ובתים מאין אדם והאדמה תשאה שממה׃

  19. יְשַׁעְיָהוּ ו׳:י״ב

    ורחק יהוה את האדם ורבה העזובה בקרב הארץ׃

  20. יְשַׁעְיָהוּ ז׳:ג׳

    ויאמר יהוה אל ישעיהו צא נא לקראת אחז אתה ושאר ישוב בנך אל קצה תעלת הברכה העליונה אל מסלת שדה כובס׃

  21. יְשַׁעְיָהוּ ז׳:ז׳

    כה אמר אדני יהוה לא תקום ולא תהיה׃

  22. יְשַׁעְיָהוּ ז׳:י׳

    ויוסף יהוה דבר אל אחז לאמר׃

  23. יְשַׁעְיָהוּ ז׳:י״א

    שאל לך אות מעם יהוה אלהיך העמק שאלה או הגבה למעלה׃

  24. יְשַׁעְיָהוּ ז׳:י״ב

    ויאמר אחז לא אשאל ולא אנסה את יהוה׃

  25. יְשַׁעְיָהוּ ז׳:י״ג

    ויאמר שמעו נא בית דוד המעט מכם הלאות אנשים כי תלאו גם את אלהי׃