עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. קֹהֶלֶת ט׳:ז׳

    לך אכל בשמחה לחמך ושתה בלב טוב יינך כי כבר רצה האלהים את מעשיך׃

  2. קֹהֶלֶת ט׳:ט׳

    ראה חיים עם אשה אשר אהבת כל ימי חיי הבלך אשר נתן לך תחת השמש כל ימי הבלך כי הוא חלקך בחיים ובעמלך אשר אתה עמל תחת השמש׃

  3. קֹהֶלֶת י״א:ה׳

    כאשר אינך יודע מה דרך הרוח כעצמים בבטן המלאה ככה לא תדע את מעשה האלהים אשר יעשה את הכל׃

  4. קֹהֶלֶת י״א:ט׳

    שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט׃

  5. קֹהֶלֶת י״ב:ז׳

    וישב העפר על הארץ כשהיה והרוח תשוב אל האלהים אשר נתנה׃

  6. קֹהֶלֶת י״ב:י״ג

    סוף דבר הכל נשמע את האלהים ירא ואת מצותיו שמור כי זה כל האדם׃

  7. קֹהֶלֶת י״ב:י״ד

    כי את כל מעשה האלהים יבא במשפט על כל נעלם אם טוב ואם רע׃

  8. יְשַׁעְיָהוּ א׳:ב׳

    שמעו שמים והאזיני ארץ כי יהוה דבר בנים גדלתי ורוממתי והם פשעו בי׃

  9. יְשַׁעְיָהוּ א׳:ג׳

    ידע שור קנהו וחמור אבוס בעליו ישראל לא ידע עמי לא התבונן׃

  10. יְשַׁעְיָהוּ א׳:ד׳

    הוי גוי חטא עם כבד עון זרע מרעים בנים משחיתים עזבו את יהוה נאצו את קדוש ישראל נזרו אחור׃

  11. יְשַׁעְיָהוּ א׳:ט׳

    לולי יהוה צבאות הותיר לנו שריד כמעט כסדם היינו לעמרה דמינו׃

  12. יְשַׁעְיָהוּ א׳:י׳

    שמעו דבר יהוה קציני סדם האזינו תורת אלהינו עם עמרה׃

  13. יְשַׁעְיָהוּ א׳:י״א

    למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

  14. יְשַׁעְיָהוּ א׳:י״ב

    כי תבאו לראות פני מי בקש זאת מידכם רמס חצרי׃

  15. יְשַׁעְיָהוּ א׳:י״ג

    לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

  16. יְשַׁעְיָהוּ א׳:י״ד

    חדשיכם ומועדיכם שנאה נפשי היו עלי לטרח נלאיתי נשא׃

  17. יְשַׁעְיָהוּ א׳:ט״ו

    ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

  18. יְשַׁעְיָהוּ א׳:י״ח

    לכו נא ונוכחה יאמר יהוה אם יהיו חטאיכם כשנים כשלג ילבינו אם יאדימו כתולע כצמר יהיו׃

  19. יְשַׁעְיָהוּ א׳:כ׳

    ואם תמאנו ומריתם חרב תאכלו כי פי יהוה דבר׃

  20. יְשַׁעְיָהוּ א׳:כ״ד

    לכן נאם האדון יהוה צבאות אביר ישראל הוי אנחם מצרי ואנקמה מאויבי׃

  21. יְשַׁעְיָהוּ א׳:כ״ה

    ואשיבה ידי עליך ואצרף כבר סיגיך ואסירה כל בדיליך׃

  22. יְשַׁעְיָהוּ א׳:כ״ו

    ואשיבה שפטיך כבראשנה ויעציך כבתחלה אחרי כן יקרא לך עיר הצדק קריה נאמנה׃

  23. יְשַׁעְיָהוּ א׳:כ״ח

    ושבר פשעים וחטאים יחדו ועזבי יהוה יכלו׃

  24. יְשַׁעְיָהוּ ב׳:ב׳

    והיה באחרית הימים נכון יהיה הר בית יהוה בראש ההרים ונשא מגבעות ונהרו אליו כל הגוים׃

  25. יְשַׁעְיָהוּ ב׳:ג׳

    והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושלם׃