עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 דִּבְרֵי הַיָּמִים י״ב:א׳

    ¶ ויהי כהכין מלכות רחבעם וכחזקתו עזב את תורת יהוה וכל ישראל עמו׃

  2. 2 דִּבְרֵי הַיָּמִים י״ב:ב׳

    ויהי בשנה החמישית למלך רחבעם עלה שישק מלך מצרים על ירושלם כי מעלו ביהוה׃

  3. 2 דִּבְרֵי הַיָּמִים י״ב:ה׳

    ושמעיה הנביא בא אל רחבעם ושרי יהודה אשר נאספו אל ירושלם מפני שישק ויאמר להם כה אמר יהוה אתם עזבתם אתי ואף אני עזבתי אתכם ביד שישק׃

  4. 2 דִּבְרֵי הַיָּמִים י״ב:ו׳

    ויכנעו שרי ישראל והמלך ויאמרו צדיק יהוה׃

  5. 2 דִּבְרֵי הַיָּמִים י״ב:ז׳

    ובראות יהוה כי נכנעו היה דבר יהוה אל שמעיה לאמר נכנעו לא אשחיתם ונתתי להם כמעט לפליטה ולא תתך חמתי בירושלם ביד שישק׃

  6. 2 דִּבְרֵי הַיָּמִים י״ב:ח׳

    כי יהיו לו לעבדים וידעו עבודתי ועבודת ממלכות הארצות׃

  7. 2 דִּבְרֵי הַיָּמִים י״ב:ט׳

    ויעל שישק מלך מצרים על ירושלם ויקח את אצרות בית יהוה ואת אצרות בית המלך את הכל לקח ויקח את מגני הזהב אשר עשה שלמה׃

  8. 2 דִּבְרֵי הַיָּמִים י״ב:י״א

    ויהי מדי בוא המלך בית יהוה באו הרצים ונשאום והשבום אל תא הרצים׃

  9. 2 דִּבְרֵי הַיָּמִים י״ב:י״ב

    ובהכנעו שב ממנו אף יהוה ולא להשחית לכלה וגם ביהודה היה דברים טובים׃

  10. 2 דִּבְרֵי הַיָּמִים י״ב:י״ג

    ויתחזק המלך רחבעם בירושלם וימלך כי בן ארבעים ואחת שנה רחבעם במלכו ושבע עשרה שנה מלך בירושלם העיר אשר בחר יהוה לשום את שמו שם מכל שבטי ישראל ושם אמו נעמה העמנית׃

  11. 2 דִּבְרֵי הַיָּמִים י״ב:י״ד

    ויעש הרע כי לא הכין לבו לדרוש את יהוה׃

  12. 2 דִּבְרֵי הַיָּמִים י״ג:ה׳

    הלא לכם לדעת כי יהוה אלהי ישראל נתן ממלכה לדויד על ישראל לעולם לו ולבניו ברית מלח׃

  13. 2 דִּבְרֵי הַיָּמִים י״ג:ח׳

    ועתה אתם אמרים להתחזק לפני ממלכת יהוה ביד בני דויד ואתם המון רב ועמכם עגלי זהב אשר עשה לכם ירבעם לאלהים׃

  14. 2 דִּבְרֵי הַיָּמִים י״ג:ט׳

    הלא הדחתם את כהני יהוה את בני אהרן והלוים ותעשו לכם כהנים כעמי הארצות כל הבא למלא ידו בפר בן בקר ואילם שבעה והיה כהן ללא אלהים׃

  15. 2 דִּבְרֵי הַיָּמִים י״ג:י׳

    ואנחנו יהוה אלהינו ולא עזבנהו וכהנים משרתים ליהוה בני אהרן והלוים במלאכת׃

  16. 2 דִּבְרֵי הַיָּמִים י״ג:י״א

    ומקטרים ליהוה עלות בבקר בבקר ובערב בערב וקטרת סמים ומערכת לחם על השלחן הטהור ומנורת הזהב ונרתיה לבער בערב בערב כי שמרים אנחנו את משמרת יהוה אלהינו ואתם עזבתם אתו׃

  17. 2 דִּבְרֵי הַיָּמִים י״ג:י״ב

    והנה עמנו בראש האלהים וכהניו וחצצרות התרועה להריע עליכם בני ישראל אל תלחמו עם יהוה אלהי אבתיכם כי לא תצליחו׃

  18. 2 דִּבְרֵי הַיָּמִים י״ג:י״ד

    ויפנו יהודה והנה להם המלחמה פנים ואחור ויצעקו ליהוה והכהנים מחצצרים בחצצרות׃

  19. 2 דִּבְרֵי הַיָּמִים י״ג:ט״ו

    ויריעו איש יהודה ויהי בהריע איש יהודה והאלהים נגף את ירבעם וכל ישראל לפני אביה ויהודה׃

  20. 2 דִּבְרֵי הַיָּמִים י״ג:ט״ז

    וינוסו בני ישראל מפני יהודה ויתנם אלהים בידם׃

  21. 2 דִּבְרֵי הַיָּמִים י״ג:י״ח

    ויכנעו בני ישראל בעת ההיא ויאמצו בני יהודה כי נשענו על יהוה אלהי אבותיהם׃

  22. 2 דִּבְרֵי הַיָּמִים י״ג:כ׳

    ולא עצר כח ירבעם עוד בימי אביהו ויגפהו יהוה וימת׃

  23. 2 דִּבְרֵי הַיָּמִים י״ד:ב׳

    ויעש אסא הטוב והישר בעיני יהוה אלהיו׃

  24. 2 דִּבְרֵי הַיָּמִים י״ד:ד׳

    ויאמר ליהודה לדרוש את יהוה אלהי אבותיהם ולעשות התורה והמצוה׃

  25. 2 דִּבְרֵי הַיָּמִים י״ד:ו׳

    ויבן ערי מצורה ביהודה כי שקטה הארץ ואין עמו מלחמה בשנים האלה כי הניח יהוה לו׃