עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 דִּבְרֵי הַיָּמִים ז׳:י״ב

    וירא יהוה אל שלמה בלילה ויאמר לו שמעתי את תפלתך ובחרתי במקום הזה לי לבית זבח׃

  2. 2 דִּבְרֵי הַיָּמִים ז׳:י״ג

    הן אעצר השמים ולא יהיה מטר והן אצוה על חגב לאכול הארץ ואם אשלח דבר בעמי׃

  3. 2 דִּבְרֵי הַיָּמִים ז׳:י״ד

    ויכנעו עמי אשר נקרא שמי עליהם ויתפללו ויבקשו פני וישבו מדרכיהם הרעים ואני אשמע מן השמים ואסלח לחטאתם וארפא את ארצם׃

  4. 2 דִּבְרֵי הַיָּמִים ז׳:ט״ו

    עתה עיני יהיו פתחות ואזני קשבות לתפלת המקום הזה׃

  5. 2 דִּבְרֵי הַיָּמִים ז׳:ט״ז

    ועתה בחרתי והקדשתי את הבית הזה להיות שמי שם עד עולם והיו עיני ולבי שם כל הימים׃

  6. 2 דִּבְרֵי הַיָּמִים ז׳:י״ז

    ואתה אם תלך לפני כאשר הלך דויד אביך ולעשות ככל אשר צויתיך וחקי ומשפטי תשמור׃

  7. 2 דִּבְרֵי הַיָּמִים ז׳:י״ח

    והקימותי את כסא מלכותך כאשר כרתי לדויד אביך לאמר לא יכרת לך איש מושל בישראל׃

  8. 2 דִּבְרֵי הַיָּמִים ז׳:י״ט

    ואם תשובון אתם ועזבתם חקותי ומצותי אשר נתתי לפניכם והלכתם ועבדתם אלהים אחרים והשתחויתם להם׃

  9. 2 דִּבְרֵי הַיָּמִים ז׳:כ׳

    ונתשתים מעל אדמתי אשר נתתי להם ואת הבית הזה אשר הקדשתי לשמי אשליך מעל פני ואתננו למשל ולשנינה בכל העמים׃

  10. 2 דִּבְרֵי הַיָּמִים ז׳:כ״א

    והבית הזה אשר היה עליון לכל עבר עליו ישם ואמר במה עשה יהוה ככה לארץ הזאת ולבית הזה׃

  11. 2 דִּבְרֵי הַיָּמִים ז׳:כ״ב

    ואמרו על אשר עזבו את יהוה אלהי אבתיהם אשר הוציאם מארץ מצרים ויחזיקו באלהים אחרים וישתחוו להם ויעבדום על כן הביא עליהם את כל הרעה הזאת׃

  12. 2 דִּבְרֵי הַיָּמִים ח׳:א׳

    ¶ ויהי מקץ עשרים שנה אשר בנה שלמה את בית יהוה ואת ביתו׃

  13. 2 דִּבְרֵי הַיָּמִים ח׳:י״א

    ואת בת פרעה העלה שלמה מעיר דויד לבית אשר בנה לה כי אמר לא תשב אשה לי בבית דויד מלך ישראל כי קדש המה אשר באה אליהם ארון יהוה׃

  14. 2 דִּבְרֵי הַיָּמִים ח׳:י״ב

    אז העלה שלמה עלות ליהוה על מזבח יהוה אשר בנה לפני האולם׃

  15. 2 דִּבְרֵי הַיָּמִים ח׳:י״ד

    ויעמד כמשפט דויד אביו את מחלקות הכהנים על עבדתם והלוים על משמרותם להלל ולשרת נגד הכהנים לדבר יום ביומו והשוערים במחלקותם לשער ושער כי כן מצות דויד איש האלהים׃

  16. 2 דִּבְרֵי הַיָּמִים ח׳:ט״ז

    ותכן כל מלאכת שלמה עד היום מוסד בית יהוה ועד כלתו שלם בית יהוה׃

  17. 2 דִּבְרֵי הַיָּמִים ט׳:ד׳

    ומאכל שלחנו ומושב עבדיו ומעמד משרתיו ומלבושיהם ומשקיו ומלבושיהם ועליתו אשר יעלה בית יהוה ולא היה עוד בה רוח׃

  18. 2 דִּבְרֵי הַיָּמִים ט׳:ח׳

    יהי יהוה אלהיך ברוך אשר חפץ בך לתתך על כסאו למלך ליהוה אלהיך באהבת אלהיך את ישראל להעמידו לעולם ויתנך עליהם למלך לעשות משפט וצדקה׃

  19. 2 דִּבְרֵי הַיָּמִים ט׳:י״א

    ויעש המלך את עצי האלגומים מסלות לבית יהוה ולבית המלך וכנרות ונבלים לשרים ולא נראו כהם לפנים בארץ יהודה׃

  20. 2 דִּבְרֵי הַיָּמִים ט׳:כ״ג

    וכל מלכי הארץ מבקשים את פני שלמה לשמע את חכמתו אשר נתן האלהים בלבו׃

  21. 2 דִּבְרֵי הַיָּמִים י׳:ט״ו

    ולא שמע המלך אל העם כי היתה נסבה מעם האלהים למען הקים יהוה את דברו אשר דבר ביד אחיהו השלוני אל ירבעם בן נבט׃

  22. 2 דִּבְרֵי הַיָּמִים י״א:ב׳

    ויהי דבר יהוה אל שמעיהו איש האלהים לאמר׃

  23. 2 דִּבְרֵי הַיָּמִים י״א:ד׳

    כה אמר יהוה לא תעלו ולא תלחמו עם אחיכם שובו איש לביתו כי מאתי נהיה הדבר הזה וישמעו את דברי יהוה וישבו מלכת אל ירבעם׃

  24. 2 דִּבְרֵי הַיָּמִים י״א:י״ד

    כי עזבו הלוים את מגרשיהם ואחזתם וילכו ליהודה ולירושלם כי הזניחם ירבעם ובניו מכהן ליהוה׃

  25. 2 דִּבְרֵי הַיָּמִים י״א:ט״ז

    ואחריהם מכל שבטי ישראל הנתנים את לבבם לבקש את יהוה אלהי ישראל באו ירושלם לזבוח ליהוה אלהי אבותיהם׃