Ayoyin Littafi Mai Tsarki game da Man: Insignificance of

In Allah bai yarda da bayinsa ba, in ya sami mala’ikunsa da laifi,

to, su wane ne mutane masu zama a gidan da aka yi da laka, waɗanda da ƙura aka yi harsashensu, waɗanda za a iya murƙushe su kamar asu!

“Mutum yana iya zama da amfani a wurin Allah? Mai hikima ma zai iya zama da amfani a wurin shi?

Wane daɗi Allah zai ji in kai mai adalci ne? Wace riba zai samu in rayuwarka marar laifi ce?

“Ko don kana tsoron Allah shi ya sa ya kwaɓe ka ya kuma bari haka yă same ka?

Ba muguntarka ce ta yi yawa ba? Ba zunubanka ne ba iyaka ba?

Ta yaya mutum zai iya zama mai adalci a gaban Allah? Ta yaya mutumin da mace ta haifa zai zama mai tsarki?

In har wata da taurari ba su da tsarki a idanunsa,

mutum fa? Ai, wannan tsutsa ne, ɗan ƙwaro kawai. Me mutum ya daɗa a gaban Allah!”

“Ko kana tsammani wannan gaskiya ne? Kana cewa, ‘Ni mai adalci ne a gaban Allah.’

Duk da haka kana tambayarsa cewa, ‘Wace riba nake da ita, kuma mene ne zan samu ta wurin ƙin yin zunubi?’

“Zan so in ba ka amsa kai tare da abokanka.

Ku ɗaga kai ku dubi sama ku gani; ku dubi gizagizai a samanku.

In kun yi zunubi ta yaya wannan zai shafi Allah? In zunubanku sun yi yawa, me wannan zai yi masa?

In kuna da adalci, me kuka ba shi, ko kuma me ya karɓa daga hannunku?

Muguntarku takan shafi mutum kamar ku ne kaɗai, adalcinku kuma yakan shafi ’yan adam ne kaɗai.

“Ko ka taɓa ba safiya umarni ko kuma ka sa asuba ta fito,

don ta kama gefen duniya ta kakkaɓe mugaye daga cikinta?

Sa’ad da na dubi sammai, aikin yatsotsinka, wata da taurari waɗanda ka ajiye a wurarensu,

wane ne mutum da kake tunawa da shi, ɗan mutum da kake lura da shi?

Ya Ubangiji, wane ne mutum da ka kula da shi, ɗan mutum da har za ka yi tunaninsa?

Mutum yana kama da numfashi; kwanakinsa suna wucewa kamar inuwa.