Mistari ya Biblia kuhusu Religious Zeal

Ndipo nitakapowafundisha wakosaji njia zako, na wenye dhambi watakugeukia wewe.

Kwa wale wanaokucha wewe, umewainulia bendera, ili iweze kutwekwa dhidi ya upinde.

Kwa maana nimestahimili dharau kwa ajili yako, aibu imefunika uso wangu.

Nimekuwa mgeni kwa ndugu zangu, mgeni kwa wana wa mama yangu mwenyewe.

Kwa kuwa wivu wa nyumba yako unanila, matukano ya wale wanaokutukana yameniangukia.

Ee Mungu, umenifundisha tangu ujana wangu, hadi leo ninatangaza matendo yako ya ajabu.

Ee Mungu, usiniache, hata niwapo mzee wa mvi, mpaka nitangaze uwezo wako kwa kizazi kijacho, nguvu zako kwa wote watakaokuja baadaye.

Ee Mungu, mtesi atakudhihaki mpaka lini? Je, adui watalitukana jina lako milele?

Ee Bwana, kumbuka jinsi mtesi alivyokudhihaki, jinsi watu wapumbavu walivyolitukana jina lako.

Usiukabidhi uhai wa njiwa wako kwa wanyama wakali wa mwitu; usisahau kabisa uhai wa watu wako wanaoteseka milele.

Likumbuke agano lako, maana mara kwa mara mambo ya jeuri yamejaa katika sehemu za giza nchini.

Usiruhusu walioonewa warudi nyuma kwa aibu; maskini na wahitaji hebu walisifu jina lako.

Inuka, Ee Mungu, ujitetee; kumbuka jinsi wapumbavu wanavyokudhihaki mchana kutwa.

Usipuuze makelele ya watesi wako, ghasia za adui zako, zinazoinuka mfululizo.

Ni nani atakayeinuka dhidi ya mwovu kwa ajili yangu? Ni nani atakayenikinga dhidi ya watenda maovu?

Mwimbieni Bwana, lisifuni jina lake; tangazeni wokovu wake siku baada ya siku.

Tangazeni utukufu wake katikati ya mataifa, matendo yake ya ajabu miongoni mwa mataifa yote.

Katikati ya mataifa semeni, “Bwana anatawala.” Ulimwengu ameuweka imara, hauwezi kusogezwa; atawahukumu watu kwa uadilifu.

Kila asubuhi nitawanyamazisha waovu wote katika nchi; nitamkatilia mbali kila mtenda mabaya kutoka mji wa Bwana.

Sio kwetu sisi, Ee Bwana, sio kwetu sisi, bali utukufu ni kwa jina lako, kwa sababu ya upendo na uaminifu wako.

Kwa nini mataifa waseme, “Yuko wapi Mungu wao?”

Nimeshikwa sana na ghadhabu kwa ajili ya waovu, ambao wameacha sheria yako.

Ee Bwana, wakati wako wa kutenda umewadia, kwa kuwa sheria yako inavunjwa.

Chemchemi za machozi zinatiririka kutoka machoni yangu, kwa kuwa sheria yako haifuatwi.

Jitihada yangu imenidhoofisha, kwa kuwa adui zangu wanayapuuza maneno yako.