פסוקים על Woman

והנער טבת מראה מאד בתולה ואיש לא ידעה ותרד העינה ותמלא כדה ותעל׃

וירץ העבד לקראתה ויאמר הגמיאיני נא מעט מים מכדך׃

ויאמר אחיה ואמה תשב הנער אתנו ימים או עשור אחר תלך׃

ותאמר אל העבד מי האיש הלזה ההלך בשדה לקראתנו ויאמר העבד הוא אדני ותקח הצעיף ותתכס׃

ויבאה יצחק האהלה שרה אמו ויקח את רבקה ותהי לו לאשה ויאהבה וינחם יצחק אחרי אמו׃

עודנו מדבר עמם ורחל באה עם הצאן אשר לאביה כי רעה הוא׃

ויצא חמור אבי שכם אל יעקב לדבר אתו׃

ותאמר לה בת פרעה לכי ותלך העלמה ותקרא את אם הילד׃

ולכהן מדין שבע בנות ותבאנה ותדלנה ותמלאנה את הרהטים להשקות צאן אביהן׃

ותקח מרים הנביאה אחות אהרן את התף בידה ותצאן כל הנשים אחריה בתפים ובמחלת׃

ותען להם מרים שירו ליהוה כי גאה גאה סוס ורכבו רמה בים׃

וכי ינצו אנשים ונגפו אשה הרה ויצאו ילדיה ולא יהיה אסון ענוש יענש כאשר ישית עליו בעל האשה ונתן בפללים׃

ואם אסון יהיה ונתתה נפש תחת נפש׃

עין תחת עין שן תחת שן יד תחת יד רגל תחת רגל׃

כויה תחת כויה פצע תחת פצע חבורה תחת חבורה׃

וכי יפתה איש בתולה אשר לא ארשה ושכב עמה מהר ימהרנה לו לאשה׃

אם מאן ימאן אביה לתתה לו כסף ישקל כמהר הבתולת׃

ויעש את הכיור נחשת ואת כנו נחשת במראת הצבאת אשר צבאו פתח אהל מועד׃

ועבר עליו רוח קנאה וקנא את אשתו והוא נטמאה או עבר עליו רוח קנאה וקנא את אשתו והיא לא נטמאה׃

והביא האיש את אשתו אל הכהן והביא את קרבנה עליה עשירת האיפה קמח שערים לא יצק עליו שמן ולא יתן עליו לבנה כי מנחת קנאת הוא מנחת זכרון מזכרת עון׃

והקריב אתה הכהן והעמדה לפני יהוה׃

ולקח הכהן מים קדשים בכלי חרש ומן העפר אשר יהיה בקרקע המשכן יקח הכהן ונתן אל המים׃

והעמיד הכהן את האשה לפני יהוה ופרע את ראש האשה ונתן על כפיה את מנחת הזכרון מנחת קנאת הוא וביד הכהן יהיו מי המרים המאררים׃

והשביע אתה הכהן ואמר אל האשה אם לא שכב איש אתך ואם לא שטית טמאה תחת אישך הנקי ממי המרים המאררים האלה׃

ואת כי שטית תחת אישך וכי נטמאת ויתן איש בך את שכבתו מבלעדי אישך׃