פסוקים על War

639 פסוקים · 45 היבטים

פסוקי מפתח

סינון לפי ספר
  1. אֵיכָה ה׳:י׳

    עורנו כתנור נכמרו מפני זלעפות רעב׃

  2. אֵיכָה ה׳:י״א

    נשים בציון ענו בתלת בערי יהודה׃

  3. אֵיכָה ה׳:י״ב

    שרים בידם נתלו פני זקנים לא נהדרו׃

  4. אֵיכָה ה׳:י״ג

    בחורים טחון נשאו ונערים בעץ כשלו׃

  5. אֵיכָה ה׳:י״ד

    זקנים משער שבתו בחורים מנגינתם׃

  6. יְחֶזְקֵאל ט״ו:ו׳

    לכן כה אמר אדני יהוה כאשר עץ הגפן בעץ היער אשר נתתיו לאש לאכלה כן נתתי את ישבי ירושלם׃

  7. יְחֶזְקֵאל ט״ו:ז׳

    ונתתי את פני בהם מהאש יצאו והאש תאכלם וידעתם כי אני יהוה בשומי את פני בהם׃

  8. יְחֶזְקֵאל ט״ו:ח׳

    ונתתי את הארץ שממה יען מעלו מעל נאם אדני יהוה׃

  9. יְחֶזְקֵאל כ״א:ט׳

    בן אדם הנבא ואמרת כה אמר אדני אמר חרב חרב הוחדה וגם מרוטה׃

  10. יְחֶזְקֵאל כ״א:י׳

    למען טבח טבח הוחדה למען היה לה ברק מרטה או נשיש שבט בני מאסת כל עץ׃

  11. יְחֶזְקֵאל כ״א:י״א

    ויתן אתה למרטה לתפש בכף היא הוחדה חרב והיא מרטה לתת אותה ביד הורג׃

  12. יְחֶזְקֵאל כ״א:י״ב

    זעק והילל בן אדם כי היא היתה בעמי היא בכל נשיאי ישראל מגורי אל חרב היו את עמי לכן ספק אל ירך׃

  13. יְחֶזְקֵאל כ״א:י״ג

    כי בחן ומה אם גם שבט מאסת לא יהיה נאם אדני יהוה׃

  14. יְחֶזְקֵאל כ״א:י״ד

    ואתה בן אדם הנבא והך כף אל כף ותכפל חרב שלישתה חרב חללים היא חרב חלל הגדול החדרת להם׃

  15. יְחֶזְקֵאל כ״א:ט״ו

    למען למוג לב והרבה המכשלים על כל שעריהם נתתי אבחת חרב אח עשויה לברק מעטה לטבח׃

  16. יְחֶזְקֵאל כ״א:ט״ז

    התאחדי הימיני השימי השמילי אנה פניך מעדות׃

  17. יְחֶזְקֵאל כ״א:י״ז

    וגם אני אכה כפי אל כפי והניחתי חמתי אני יהוה דברתי׃

  18. יְחֶזְקֵאל כ״ג:כ״ב

    לכן אהליבה כה אמר אדני יהוה הנני מעיר את מאהביך עליך את אשר נקעה נפשך מהם והבאתים עליך מסביב׃

  19. יְחֶזְקֵאל כ״ג:כ״ג

    בני בבל וכל כשדים פקוד ושוע וקוע כל בני אשור אותם בחורי חמד פחות וסגנים כלם שלשים וקרואים רכבי סוסים כלם׃

  20. יְחֶזְקֵאל כ״ג:כ״ד

    ובאו עליך הצן רכב וגלגל ובקהל עמים צנה ומגן וקובע ישימו עליך סביב ונתתי לפניהם משפט ושפטוך במשפטיהם׃

  21. יְחֶזְקֵאל כ״ג:כ״ה

    ונתתי קנאתי בך ועשו אותך בחמה אפך ואזניך יסירו ואחריתך בחרב תפול המה בניך ובנותיך יקחו ואחריתך תאכל באש׃

  22. יְחֶזְקֵאל ל״ג:כ״ז

    כה תאמר אלהם כה אמר אדני יהוה חי אני אם לא אשר בחרבות בחרב יפלו ואשר על פני השדה לחיה נתתיו לאכלו ואשר במצדות ובמערות בדבר ימותו׃

  23. יְחֶזְקֵאל ל״ט:י״ז

    ואתה בן אדם כה אמר אדני יהוה אמר לצפור כל כנף ולכל חית השדה הקבצו ובאו האספו מסביב על זבחי אשר אני זבח לכם זבח גדול על הרי ישראל ואכלתם בשר ושתיתם דם׃

  24. יְחֶזְקֵאל ל״ט:י״ח

    בשר גבורים תאכלו ודם נשיאי הארץ תשתו אילים כרים ועתודים פרים מריאי בשן כלם׃

  25. יְחֶזְקֵאל ל״ט:י״ט

    ואכלתם חלב לשבעה ושתיתם דם לשכרון מזבחי אשר זבחתי לכם׃