פסוקים על Treachery

24 פסוקים · 8 היבטים

פסוקי מפתח

שֹׁפְטִים א׳:כ״ד
ויראו השמרים איש יוצא מן העיר ויאמרו לו הראנו נא את מבוא העיר ועשינו עמך חסד׃
שֹׁפְטִים א׳:כ״ה
ויראם את מבוא העיר ויכו את העיר לפי חרב ואת האיש ואת כל משפחתו שלחו׃
שֹׁפְטִים ד׳:י״ח
ותצא יעל לקראת סיסרא ותאמר אליו סורה אדני סורה אלי אל תירא ויסר אליה האהלה ותכסהו בשמיכה׃
שֹׁפְטִים ד׳:י״ט
ויאמר אליה השקיני נא מעט מים כי צמאתי ותפתח את נאוד החלב ותשקהו ותכסהו׃
שֹׁפְטִים ד׳:כ׳
ויאמר אליה עמד פתח האהל והיה אם איש יבוא ושאלך ואמר היש פה איש ואמרת אין׃
שֹׁפְטִים ד׳:כ״א
ותקח יעל אשת חבר את יתד האהל ותשם את המקבת בידה ותבוא אליו בלאט ותתקע את היתד ברקתו ותצנח בארץ והוא נרדם ויעף וימת׃
שֹׁפְטִים ט׳:כ״ג
וישלח אלהים רוח רעה בין אבימלך ובין בעלי שכם ויבגדו בעלי שכם באבימלך׃
2 שְׁמוּאֵל ג׳:כ״ו
ויצא יואב מעם דוד וישלח מלאכים אחרי אבנר וישבו אתו מבור הסרה ודוד לא ידע׃
2 שְׁמוּאֵל ג׳:כ״ז
וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃
2 שְׁמוּאֵל ד׳:ו׳
והנה באו עד תוך הבית לקחי חטים ויכהו אל החמש ורכב ובענה אחיו נמלטו׃
2 שְׁמוּאֵל כ׳:ט׳
ויאמר יואב לעמשא השלום אתה אחי ותחז יד ימין יואב בזקן עמשא לנשק לו׃
2 שְׁמוּאֵל כ׳:י׳
ועמשא לא נשמר בחרב אשר ביד יואב ויכהו בה אל החמש וישפך מעיו ארצה ולא שנה לו וימת ויואב ואבישי אחיו רדף אחרי שבע בן בכרי׃
2 מְלָכִים י׳:י״ח
ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃
2 מְלָכִים י׳:י״ט
ועתה כל נביאי הבעל כל עבדיו וכל כהניו קראו אלי איש אל יפקד כי זבח גדול לי לבעל כל אשר יפקד לא יחיה ויהוא עשה בעקבה למען האביד את עבדי הבעל׃
2 מְלָכִים י׳:כ׳
ויאמר יהוא קדשו עצרה לבעל ויקראו׃
2 מְלָכִים י׳:כ״א
וישלח יהוא בכל ישראל ויבאו כל עבדי הבעל ולא נשאר איש אשר לא בא ויבאו בית הבעל וימלא בית הבעל פה לפה׃
2 מְלָכִים י׳:כ״ב
ויאמר לאשר על המלתחה הוצא לבוש לכל עבדי הבעל ויצא להם המלבוש׃
2 מְלָכִים י׳:כ״ג
ויבא יהוא ויהונדב בן רכב בית הבעל ויאמר לעבדי הבעל חפשו וראו פן יש פה עמכם מעבדי יהוה כי אם עבדי הבעל לבדם׃
2 מְלָכִים י׳:כ״ד
ויבאו לעשות זבחים ועלות ויהוא שם לו בחוץ שמנים איש ויאמר האיש אשר ימלט מן האנשים אשר אני מביא על ידיכם נפשו תחת נפשו׃
2 מְלָכִים י׳:כ״ה
ויהי ככלתו לעשות העלה ויאמר יהוא לרצים ולשלשים באו הכום איש אל יצא ויכום לפי חרב וישלכו הרצים והשלשים וילכו עד עיר בית הבעל׃
2 מְלָכִים י׳:כ״ו
ויצאו את מצבות בית הבעל וישרפוה׃
2 מְלָכִים י׳:כ״ז
ויתצו את מצבת הבעל ויתצו את בית הבעל וישמהו למחראות עד היום׃
2 מְלָכִים י׳:כ״ח
וישמד יהוא את הבעל מישראל׃
יִרְמְיָהוּ ט׳:ח׳
חץ שוחט לשונם מרמה דבר בפיו שלום את רעהו ידבר ובקרבו ישים ארבו׃