פסוקים על Treachery: Of Jehu

11 פסוקים · 8 היבטים

פסוקים על Of Jehu

  1. 2 מְלָכִים י׳:י״ח

    ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃

  2. 2 מְלָכִים י׳:י״ט

    ועתה כל נביאי הבעל כל עבדיו וכל כהניו קראו אלי איש אל יפקד כי זבח גדול לי לבעל כל אשר יפקד לא יחיה ויהוא עשה בעקבה למען האביד את עבדי הבעל׃

  3. 2 מְלָכִים י׳:כ׳

    ויאמר יהוא קדשו עצרה לבעל ויקראו׃

  4. 2 מְלָכִים י׳:כ״א

    וישלח יהוא בכל ישראל ויבאו כל עבדי הבעל ולא נשאר איש אשר לא בא ויבאו בית הבעל וימלא בית הבעל פה לפה׃

  5. 2 מְלָכִים י׳:כ״ב

    ויאמר לאשר על המלתחה הוצא לבוש לכל עבדי הבעל ויצא להם המלבוש׃

  6. 2 מְלָכִים י׳:כ״ג

    ויבא יהוא ויהונדב בן רכב בית הבעל ויאמר לעבדי הבעל חפשו וראו פן יש פה עמכם מעבדי יהוה כי אם עבדי הבעל לבדם׃

  7. 2 מְלָכִים י׳:כ״ד

    ויבאו לעשות זבחים ועלות ויהוא שם לו בחוץ שמנים איש ויאמר האיש אשר ימלט מן האנשים אשר אני מביא על ידיכם נפשו תחת נפשו׃

  8. 2 מְלָכִים י׳:כ״ה

    ויהי ככלתו לעשות העלה ויאמר יהוא לרצים ולשלשים באו הכום איש אל יצא ויכום לפי חרב וישלכו הרצים והשלשים וילכו עד עיר בית הבעל׃

  9. 2 מְלָכִים י׳:כ״ו

    ויצאו את מצבות בית הבעל וישרפוה׃

  10. 2 מְלָכִים י׳:כ״ז

    ויתצו את מצבת הבעל ויתצו את בית הבעל וישמהו למחראות עד היום׃

  11. 2 מְלָכִים י׳:כ״ח

    וישמד יהוא את הבעל מישראל׃