פסוקים על The Tribes of Israel

דגל מחנה דן צפנה לצבאתם ונשיא לבני דן אחיעזר בן עמישדי׃

וצבאו ופקדיהם שנים וששים אלף ושבע מאות׃

והחנים עליו מטה אשר ונשיא לבני אשר פגעיאל בן עכרן׃

וצבאו ופקדיהם אחד וארבעים אלף וחמש מאות׃

ומטה נפתלי ונשיא לבני נפתלי אחירע בן עינן׃

וצבאו ופקדיהם שלשה וחמשים אלף וארבע מאות׃

כל הפקדים למחנה דן מאת אלף ושבעה וחמשים אלף ושש מאות לאחרנה יסעו לדגליהם׃

אלה פקודי בני ישראל לבית אבתם כל פקודי המחנת לצבאתם שש מאות אלף ושלשת אלפים וחמש מאות וחמשים׃

ויסע דגל מחנה בני יהודה בראשנה לצבאתם ועל צבאו נחשון בן עמינדב׃

ועל צבא מטה בני יששכר נתנאל בן צוער׃

ועל צבא מטה בני זבולן אליאב בן חלון׃

והורד המשכן ונסעו בני גרשון ובני מררי נשאי המשכן׃

ונסע דגל מחנה ראובן לצבאתם ועל צבאו אליצור בן שדיאור׃

ועל צבא מטה בני שמעון שלמיאל בן צורי שדי׃

ועל צבא מטה בני גד אליסף בן דעואל׃

ונסעו הקהתים נשאי המקדש והקימו את המשכן עד באם׃

ונסע דגל מחנה בני אפרים לצבאתם ועל צבאו אלישמע בן עמיהוד׃

ועל צבא מטה בני מנשה גמליאל בן פדהצור׃

ועל צבא מטה בני בנימן אבידן בן גדעוני׃

ונסע דגל מחנה בני דן מאסף לכל המחנת לצבאתם ועל צבאו אחיעזר בן עמישדי׃

ועל צבא מטה בני אשר פגעיאל בן עכרן׃

ועל צבא מטה בני נפתלי אחירע בן עינן׃

אלה מסעי בני ישראל לצבאתם ויסעו׃

ראובן בכור ישראל בני ראובן חנוך משפחת החנכי לפלוא משפחת הפלאי׃

לחצרן משפחת החצרוני לכרמי משפחת הכרמי׃