פסוקים על The Miracles of Christ

ויקח אתו לבדו מקרב ההמון וישם את אצבעותיו באזניו וירק ויגע על לשנו׃

ויבט השמימה ויאנח ויאמר אליו אפתח ופרושו הפתח׃

וברגע נפתחו אזניו ויתר קשר לשונו וידבר בשפה ברורה׃

ויבא אל בית צידה ויביאו אליו איש עור ויתחננו לו לגעת בו׃

ויאחז ביד העור ויוליכהו אל מחוץ לכפר וירק בעיניו וישם את ידיו עליו וישאלהו לאמר הראה אתה דבר׃

ויבט ויאמר אראה את בני האדם כי מתהלכים כאילנות אני ראה׃

ויוסף לשום את ידיו על עיניו ותפקחנה עיניו וירפא וירא הכל היטב עד למרחוק׃

ויכל לדבר ויאמר אל שמעון הוליכה אל עמק הים והורידו את מכמרותיכם לצוד׃

ויען שמעון ויאמר אליו מורה כל הלילה יגענו ולא לכדנו מאומה אך על פי דברך אוריד את המכמרת׃

ויעשו כן וילכדו דגים הרבה מאד ותקרע מכמרתם׃

וירד אתם ויעמד במקום מישור והמון תלמידיו וקהל עם רב מכל יהודה וירושלים ומחוף ים צר וצידון אשר באו לשמע אתו ולהרפא מחלייהם׃

וגם הנלחצים ברוחות טמאות וירפאו׃

וכל ההמון מבקשים לגעת בו כי גבורה יצאה מאתו ורפאה את כלם׃

הוא קרב אל שער העיר והנה מוציאים מת בן יחיד לאמו והיא אלמנה ועמה רבים מעם העיר׃

וכראות אתה האדון נכמרו רחמיו עליה ויאמר לה אל תבכי׃

ויגש ויגע בארון והנשאים עמדו ויאמר עלם אמר אני אליך קומה׃

ויתעודד המת ויחל לדבר ויתנהו לאמו׃

בעת ההיא רפא רבים מחליים ומנגעים ומרוחות רעות ולעורים רבים נתן ראות עינים׃

ויען ישוע ויאמר להם לכו והגידו ליוחנן את אשר ראיתם ואשר שמעתם כי עורים ראים ופסחים מתהלכים ומצרעים מטהרים וחרשים שומעים ומתים קמים ועניים מתבשרים׃

והנה אשה טעונת רוח חלי כשמנה עשרה שנה ותהי כפופה ולא יכלה לקום קומה זקופה׃

ויהי בראות אתה ישוע ויקרא אליה ויאמר לה אשה החלצי מחליך׃

וישם את ידיו עליה וכרגע קמה ותתעודד ותשבח את האלהים׃

והנה איש אחד לפניו אשר גופו צבה ממים׃

ויען ישוע ויאמר אל בעלי התורה ואל הפרושים לאמר המתר לרפא בשבת אם לא ויחרישו׃

ויאחז בו וירפאהו וישלחהו׃