פסוקים על The Miracles of Christ: The blind restored to sight

ויעבר ישוע משם וילכו אחריו שני אנשים עורים והמה צעקעם ואמרים חננו בן דוד׃

וכבואו הביתה נגשו אליו העורים ויאמר אליהם ישוע המאמינים אתם כי יש לאל ידי לעשות זאת ויאמרו אליו כן אדנינו׃

ויגע בעיניהם ויאמר יעשה לכם כאמונתכם׃

ותפקחנה עיניהם ויגער בם ישוע ויאמר ראו פן יודע לאיש׃

ויבא אל בית צידה ויביאו אליו איש עור ויתחננו לו לגעת בו׃

ויאחז ביד העור ויוליכהו אל מחוץ לכפר וירק בעיניו וישם את ידיו עליו וישאלהו לאמר הראה אתה דבר׃

ויבט ויאמר אראה את בני האדם כי מתהלכים כאילנות אני ראה׃

ויוסף לשום את ידיו על עיניו ותפקחנה עיניו וירפא וירא הכל היטב עד למרחוק׃

¶ ויהי בעברו וירא איש והוא עור מיום הולדו׃

וישאלו אתו תלמידיו לאמר רבי מי הוא אשר חטא הזה אם ילדיו כי נולד עור׃

ויען ישוע לא זה חטא ולא יולדיו אך למען יגלו בו מעללי אל׃

עלי לעשות מעשי שלחי בעוד יום יבוא הלילה אשר בו לא יוכל איש לפעל׃

בהיותי בעולם אור העולם אני׃

ויהי כדברו זאת וירק על הארץ ויעש טיט מן הרוק וימרח את הטיט על עיני העור׃

ויאמר אליו לך ורחץ בברכת השלח פרושו שלוח וילך וירחץ ויבא ועיניו ראות׃