פסוקים על The Miracles of Christ: The multitude fed

14 פסוקים · 30 היבטים

פסוקים על The multitude fed

  1. מתיו י״ד:ט״ו

    ויהי לפנות ערב ויגשו אליו תלמידיו ויאמרו המקום חרב וגם נטה היום שלחה את המון העם וילכו אל הכפרים לקנות להם אכל׃

  2. מתיו י״ד:ט״ז

    ויאמר אליהם אינם צריכים ללכת תנו אתם להם לאכל׃

  3. מתיו י״ד:י״ז

    ויאמרו אליו אין לנו פה כי אם חמשת ככרות לחם ושני דגים׃

  4. מתיו י״ד:י״ח

    ויאמר הביאום אלי הלם׃

  5. מתיו י״ד:י״ט

    ויצו את העם לשבת על הדשא ויקח את חמשת ככרות הלחם ואת שני הדגים וישא עיניו השמימה ויברך ויפרס ויתן את הלחם לתלמידים והתלמידים נתנו לעם׃

  6. מתיו י״ד:כ׳

    ויאכלו כלם וישבעו וישאו מן הפתותים הנותרים שנים עשר סלים מלאים׃

  7. מתיו י״ד:כ״א

    והאכלים היו כחמשת אלפי איש מלבד הנשים והטף׃

  8. מתיו ט״ו:ל״ב

    ויקרא ישוע אל תלמידיו ויאמר נכמרו רחמי על העם כי זה שלשת ימים עמדו עמדי ואין להם מה לאכל ואינני אבה לשלחם רעבים פן יתעלפו בדרך׃

  9. מתיו ט״ו:ל״ג

    ויאמרו אליו התלמידים מאין לנו די לחם במדבר להשביע את ההמון הגדול הזה׃

  10. מתיו ט״ו:ל״ד

    ויאמר ישוע אליהם כמה ככרות לחם לכם ויאמרו שבע ומעט דגים קטנים׃

  11. מתיו ט״ו:ל״ה

    ויצו את המון העם לשבת לארץ׃

  12. מתיו ט״ו:ל״ו

    ויקח את שבע ככרות הלחם ואת הדגים ויברך ויפרס ויתן אל התלמידים והתלמידים נתנו לעם׃

  13. מתיו ט״ו:ל״ז

    ויאכלו כלם וישבעו וישאו מן הפתותים הנותרים שבעה דודים מלאים׃

  14. מתיו ט״ו:ל״ח

    והאכלים היו ארבעת אלפי איש מלבד הנשים והטף׃