פסוקים על The Miracles of Christ

כי אמרה בלבה אך אם אגע בבגדו אושע׃

ויפן ישוע וירא אותה ויאמר חזקי בתי אמונתך הושיעה לך ותושע האשה מן השעה ההיא׃

ויעבר ישוע משם וילכו אחריו שני אנשים עורים והמה צעקעם ואמרים חננו בן דוד׃

וכבואו הביתה נגשו אליו העורים ויאמר אליהם ישוע המאמינים אתם כי יש לאל ידי לעשות זאת ויאמרו אליו כן אדנינו׃

ויגע בעיניהם ויאמר יעשה לכם כאמונתכם׃

ותפקחנה עיניהם ויגער בם ישוע ויאמר ראו פן יודע לאיש׃

המה יצאו והנה הביאו אליו איש אלם אחוז שד׃

וכאשר גרש השד וידבר האלם ויתמה המון האנשים ויאמרו מעולם לא נראתה כזאת בישראל׃

והנה שם איש אשר ידו יבשה וישאלוהו לאמר המתר לרפא בשבת למען ימצאו עליו שטנה׃

ויאמר אליהם מי האיש בכם אשר לו כבש אחד ונפל בבור בשבת ולא יחזיק בו ויעלנו׃

ומה יקר אדם מן הכבש לכן מתר להיטיב בשבת׃

ויאמר אל האיש פשט את ידך ויפשט אתה ותרפא ותשב כידו האחרת׃

ויצא ישוע וירא המון עם רב ויהמו מעיו עליהם וירפא את החלשים אשר בהם׃

ויהי לפנות ערב ויגשו אליו תלמידיו ויאמרו המקום חרב וגם נטה היום שלחה את המון העם וילכו אל הכפרים לקנות להם אכל׃

ויאמר אליהם אינם צריכים ללכת תנו אתם להם לאכל׃

ויאמרו אליו אין לנו פה כי אם חמשת ככרות לחם ושני דגים׃

ויאמר הביאום אלי הלם׃

ויצו את העם לשבת על הדשא ויקח את חמשת ככרות הלחם ואת שני הדגים וישא עיניו השמימה ויברך ויפרס ויתן את הלחם לתלמידים והתלמידים נתנו לעם׃

ויאכלו כלם וישבעו וישאו מן הפתותים הנותרים שנים עשר סלים מלאים׃

והאכלים היו כחמשת אלפי איש מלבד הנשים והטף׃

ויהי באשמרת הרביעית ויבא אליהם ישוע מתהלך על פני הים׃

והתלמידים בראתם אותו מתהלך על פני הים נבהלו לאמר מראה רוח הוא ויצעקו מפחד׃

וידבר ישוע פתאם אליהם חזקו כי אני הוא אל תיראו׃

ויאמר בוא וירד פטרוס מן האניה ויתהלך על המים לבוא אל ישוע׃

הם עלו אל האניה והרוח שככה׃