פסוקים על The Christ Jesus

והשמע את דברי ולא ישמרם אני לא אשפט אתו כי לא באתי לשפט את העולם כי אם להושיע את העולם׃

ויאמר אליו ישוע המרחץ אין לו לרחץ עוד כי אם את הרגלים כי כלו טהור הוא ואתם טהורים אך לא כלכם׃

כי ידע מי ימסרהו על כן אמר לא כלכם טהורים׃

אתם קראים לי רב ואדון והיטבתם אשר דברתם כי אני הוא׃

לכן אם אני המורה והאדון רחצתי את רגליכם גם אתם חיבים לרחץ איש את רגלי אחיו׃

כי מופת נתתי לכם למען תעשו גם אתם כאשר עשיתי לכם׃

לא על כלכם דברתי יודע אני את אשר בחרתי בהם אך למען ימלא הכתוב אוכל לחמי הגדיל עלי עקב׃

מעתה אני אמר לכם בטרם היותה למען בבואה תאמינו כי אני הוא׃

הוא יצא וישוע אמר עתה נתפאר בן האדם והאלהים נתפאר בו׃

אם האלהים נתפאר בו גם האלהים הוא יפארהו בעצמו ובמהרה יפארהו׃

אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃

איש אשר לא יעמד בי השלך כשריג החוצה וייבש וילקטום וישליכום אל תוך האש והיה לבער׃

והיה אם תעמדו בי ודברי יהיו בכם ככל חפצכם תשאלו ויעשה לכם׃

ובבוא הפרקליט אשר אשלחנו לכם מאת אבי רוח האמת היוצא מאת אבי הוא יעיד עלי׃

וגם אתם תעידו כי מראש הייתם עמדי׃

אולם האמת אגיד לכם כי לכתי אך טוב לכם כי אם לא אלך לא יבא אליכם הפרקליט ואם אלך אשלחהו אליכם׃

והיה בבאו יוכיח את העולם על דבר החטא והצדק והמשפט׃

על החטא כי לא האמינו בי׃

ועל הצדק כי אלך אל אבי ולא תוסיפו לראות אתי׃

ועל המשפט כי נדון שר העולם הזה׃

עוד רבות לי להגיד לכם אך לא תוכלון שאת עתה׃

ורוח האמת בבאו הוא ידריך אתכם אל כל האמת כי לא ידבר מעצמו כי אם אשר ישמע ידבר והאתיות יגיד לכם׃

הוא יפארני כי משלי יקח ויגיד לכם׃

כל אשר לאבי לי הוא על כן אמרתי כי משלי יקח ויגיד לכם׃

הן מעט ולא תראוני ועוד מעט ותחזוני כי אני הלך אל אבי׃