פסוקים על The Christ Jesus

ויוסף ואמו תמהים על הדברים הנאמרים עליו׃

ויברך אותם שמעון ויאמר אל מרים אמו הנה זה מוסד לנפילה ולתקומה לרבים בישראל ולאות מריבה׃

וגם בנפשך תחתר חרב למען תגלינה מחשבות לבב רבים׃

¶ וישוע שב מן הירדן מלא רוח הקדש וינהגהו הרוח המדברה׃

וינסהו השטן ארבעים יום ולא אכל מאומה בימים ההם ואחרי אשר תמו וירעב׃

ויאמר אליו השטן אם בן האלהים אתה אמר אל האבן הזאת ותהי ללחם׃

ויען אתו ישוע הן כתוב כי לא על הלחם לבדו יחיה האדם כי על כל מוצא פי יהוה׃

ויעלהו השטן על הר גבה ויראהו ברגע אחד את כל ממלכות תבל׃

ויאמר אליו השטן לך אתן את כל הממשלה הזאת ואת כבודן כי נמסרה בידי ונתתיה לאשר אחפץ׃

ועתה אם תשתחוה לפני הכל יהיה לך׃

ויען ישוע ויאמר אליו סור ממני השטן כי כתוב ליהוה אלהיך תשתחוה ואתו תעבד׃

ויביאהו ירושלים ויעמידהו על פנת בית המקדש ויאמר אליו אם בן האלהים אתה התנפל מזה מטה׃

כי כתוב כי מלאכיו יצוה לך לשמרך׃

וכי על כפים ישאונך פן תגף באבן רגלך׃

ויען ישוע ויאמר אליו נאמר לא תנסה את יהוה אלהיך׃

וככלות השטן כל מסה וירף ממנו עד עת׃

רוח אדני עלי יען משח אתי לבשר ענוים׃

שלחני לחבש לנשברי לב לקרא לשבוים דרור ולעורים פקח קוח לשלח רצוצים חפשים לקרא שנת רצון ליהוה׃

]13-03[ וילונו הסופרים אשר בהם והפרושים על תלמידיו ויאמרו למה אתם אכלים אליהם הבריאים אינם צריכים לרפא כי אם החלים׃

]13-03[׃

לא באתי לקרוא הצדיקים כי אם החטאים לתשובה׃

ולמה זה אתם קראים לי אדני אדני ואינכם עשים את אשר אני אמר׃

כל הבא אלי ושומע את דברי ועשה אתם אורה אתכם למי הוא דומה׃

דומה הוא לאיש בנה בית אשר העמיק לחפר וייסדו על הסלע וכבוא השטף פרץ הנהר בבית ההוא ולא יכל להניעו כי על הסלע יסודו׃

ואשר שמע ולא עשה דומה לאיש אשר בנה בית על הקרקע בלי יסוד ויפרץ בו הנהר ויפל פתאם ויגדל שבר הבית ההוא׃