פסוקים על Sorrow

64 פסוקים · 9 היבטים

פסוקי מפתח

בְּרֵאשִׁית כ״א:י״ז
וישמע אלהים את קול הנער ויקרא מלאך אלהים אל הגר מן השמים ויאמר לה מה לך הגר אל תיראי כי שמע אלהים אל קול הנער באשר הוא שם׃
בְּרֵאשִׁית כ״א:י״ח
קומי שאי את הנער והחזיקי את ידך בו כי לגוי גדול אשימנו׃
בְּרֵאשִׁית כ״א:י״ט
ויפקח אלהים את עיניה ותרא באר מים ותלך ותמלא את החמת מים ותשק את הנער׃
בְּרֵאשִׁית כ״א:כ׳
ויהי אלהים את הנער ויגדל וישב במדבר ויהי רבה קשת׃
שְׁמֹות ג׳:ז׳
ויאמר יהוה ראה ראיתי את עני עמי אשר במצרים ואת צעקתם שמעתי מפני נגשיו כי ידעתי את מכאביו׃
שְׁמֹות ג׳:ח׳
וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבש אל מקום הכנעני והחתי והאמרי והפרזי והחוי והיבוסי׃
שְׁמֹות ג׳:ט׳
ועתה הנה צעקת בני ישראל באה אלי וגם ראיתי את הלחץ אשר מצרים לחצים אתם׃
שְׁמֹות ג׳:י׳
ועתה לכה ואשלחך אל פרעה והוצא את עמי בני ישראל ממצרים׃
1 שְׁמוּאֵל א׳:ט״ו
ותען חנה ותאמר לא אדני אשה קשת רוח אנכי ויין ושכר לא שתיתי ואשפך את נפשי לפני יהוה׃
2 שְׁמוּאֵל י״ח:ל״ג
וירגז המלך ויעל על עלית השער ויבך וכה אמר בלכתו בני אבשלום בני בני אבשלום מי יתן מותי אני תחתיך אבשלום בני בני׃
2 שְׁמוּאֵל י״ט:א׳
¶ ויגד ליואב הנה המלך בכה ויתאבל על אבשלם׃
2 שְׁמוּאֵל י״ט:ב׳
ותהי התשעה ביום ההוא לאבל לכל העם כי שמע העם ביום ההוא לאמר נעצב המלך על בנו׃
2 שְׁמוּאֵל י״ט:ג׳
ויתגנב העם ביום ההוא לבוא העיר כאשר יתגנב העם הנכלמים בנוסם במלחמה׃
2 שְׁמוּאֵל י״ט:ד׳
והמלך לאט את פניו ויזעק המלך קול גדול בני אבשלום אבשלום בני בני׃
2 שְׁמוּאֵל י״ט:ה׳
ויבא יואב אל המלך הבית ויאמר הבשת היום את פני כל עבדיך הממלטים את נפשך היום ואת נפש בניך ובנתיך ונפש נשיך ונפש פלגשיך׃
2 שְׁמוּאֵל י״ט:ו׳
לאהבה את שנאיך ולשנא את אהביך כי הגדת היום כי אין לך שרים ועבדים כי ידעתי היום כי לא אבשלום חי וכלנו היום מתים כי אז ישר בעיניך׃
2 שְׁמוּאֵל י״ט:ז׳
ועתה קום צא ודבר על לב עבדיך כי ביהוה נשבעתי כי אינך יוצא אם ילין איש אתך הלילה ורעה לך זאת מכל הרעה אשר באה עליך מנעריך עד עתה׃
2 שְׁמוּאֵל י״ט:ח׳
ויקם המלך וישב בשער ולכל העם הגידו לאמר הנה המלך יושב בשער ויבא כל העם לפני המלך וישראל נס איש לאהליו׃
יְשַׁעְיָהוּ ל״ה:י׳
ופדויי יהוה ישבון ובאו ציון ברנה ושמחת עולם על ראשם ששון ושמחה ישיגו ונסו יגון ואנחה׃
יְשַׁעְיָהוּ נ״ג:י״א
מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃
אֵיכָה א׳:י״ב
לוא אליכם כל עברי דרך הביטו וראו אם יש מכאוב כמכאבי אשר עולל לי אשר הוגה יהוה ביום חרון אפו׃
מתיו כ״ו:ל״ז
ויקח אתו את פטרוס ואת שני בני זבדי ויחל להעצב ולמוג׃
מתיו כ״ו:ל״ח
ויאמר להם נפשי מרה לי עד מות עמדו פה ושקדו עמי׃
מתיו כ״ו:ל״ט
וילך מעט האלה ויפל על פניו ויתפלל לאמר אבי אם יוכל להיות תעבר נא מעלי הכוס הזאת אך לא כרצוני כי אם כרצונך׃
מתיו כ״ו:מ׳
ויבא אל התלמידים וימצאם ישנים ויאמר אל פטרוס הנה לא היה ביכלתכם לשקד עמי שעה אחת׃

מציג 1–25 מתוך 64 פסוקים

1 2 3 הבא