פסוקים על Self-Righteousness

ויחלו המסבים עמו לאמר בלבם מי הוא זה אשר גם יסלח חטאים׃

ויאמר אל האשה אמונתך הושיעה לך לכי לשלום׃

והנה אחד מבעלי התורה קם לנסותו ויאמר מורה מה אעשה ואירש חיי עולם׃

ויאמר אליו מה כתוב בתורה ואיך אתה קורא׃

ויען ויאמר ואהבת את יהוה אלהיך בכל לבבך ובכל נפשך ובכל מאדך ובכל מדעך ואת רעך כמוך׃

ויאמר אליו כן השיבות עשה זאת וחיה׃

והוא חפץ להצטדק ויאמר אל ישוע ומי הוא רעי׃

ויען ישוע ויאמר איש אחד ירד מירושלים ליריחו ונפל בידי שדדים והם הפשיטהו וגם פצעהו ויעזבו אותו בין חיים למות וילכו להם׃

ויקר המקרה כי ירד כהן אחד בדרך ההוא וירא אתו ויעבר מעליו׃

וכן גם איש לוי פגע במקום ויגש וירא אתו ויעבר מעליו׃

ואיש שמרוני הלך בדרך ויבא עליו וירא אתו ויהמו רחמיו׃

ויגש אליו ויחבש את פצעיו ויסוכם בשמן ויין ויעלהו על בהמתו ויוליכהו אל המלון ויכלכלהו׃

ולמחרת בנסעו הוציא שני דינרים ויתנם לבעל המלון ויאמר כלכל אותו ואת אשר תוסיף עוד להוציא עליו אני בשובי אשלמנו לך׃

ועתה מי מאלה השלשה היה בעיניך הרע לנפל בידי השדדים׃

ויאמר העשה עמו את החסד ויאמר אליו ישוע לך ועשה כן גם אתה׃

ויאמר אליו האדון כעת אתם הפרושים מטהרים את הכום והקערה מחוץ והפנימי אשר בכם הוא מלא גזל ורשע׃

הכסילים הלא עשה החיצון גם עשה את הפנימי׃

אבל תנו לצדקה את אשר בם והנה הכל טהור לכם׃

אך אוי לכם הפרושים כי תעשרו את המנתא ואת הפיגם ואת כל הירק ותעברו את המשפט ואת אהבת אלהים והיה לכם לעשות את אלה ולא להניח גם את אלה׃

אוי לכם הפרושים כי תאהבו את מושב הראש בבתי הכנסיות ואת שאלות שלומכם בשוקים׃

אוי לכם הסופרים והפרושים החנפים כי אתם כקברים הנסתרים ובני האדם מתהלכים עליהם ולא ידעו׃

וילונו הפרושים והסופרים לאמר הנה זה מקבל את החטאים ואכל אתם׃

ובנו הגדול היה בשדה ויהי כאשר בא ויקרב אל הבית וישמע קול זמרה ומחלות׃

ויקרא אל אחד הנערים וישאל מה זאת׃

ויאמר אליו כי בא אחיך ויטבח אביך את עגל המרבק על אשר הושב לו שלם׃