פסוקים על Self-Righteousness: General references

ויקהלו על משה ועל אהרן ויאמרו אלהם רב לכם כי כל העדה כלם קדשים ובתוכם יהוה ומדוע תתנשאו על קהל יהוה׃

אל תאמר בלבבך בהדף יהוה אלהיך אתם מלפניך לאמר בצדקתי הביאני יהוה לרשת את הארץ הזאת וברשעת הגוים האלה יהוה מורישם מפניך׃

לא בצדקתך ובישר לבבך אתה בא לרשת את ארצם כי ברשעת הגוים האלה יהוה אלהיך מורישם מפניך ולמען הקים את הדבר אשר נשבע יהוה לאבתיך לאברהם ליצחק וליעקב׃

וידעת כי לא בצדקתך יהוה אלהיך נתן לך את הארץ הטובה הזאת לרשתה כי עם קשה ערף אתה׃

רגלי חסידו ישמר ורשעים בחשך ידמו כי לא בכח יגבר איש׃

האם אין עזרתי בי ותשיה נדחה ממני׃

ותאמר זך לקחי ובר הייתי בעיניך׃

ואולם מי יתן אלוה דבר ויפתח שפתיו עמך׃

ויגד לך תעלמות חכמה כי כפלים לתושיה ודע כי ישה לך אלוה מעונך׃

אמנם כי אתם עם ועמכם תמות חכמה׃

אולם אני אל שדי אדבר והוכח אל אל אחפץ׃

החרישו ממני ואדברה אני ויעבר עלי מה׃

הן יקטלני לא איחל אך דרכי אל פניו אוכיח׃

הנה נא ערכתי משפט ידעתי כי אני אצדק׃

מי הוא יריב עמדי כי עתה אחריש ואגוע׃

על לא חמס בכפי ותפלתי זכה׃

ארץ אל תכסי דמי ואל יהי מקום לזעקתי׃

עד אנה תשימון קנצי למלין תבינו ואחר נדבר׃

מדוע נחשבנו כבהמה נטמינו בעיניכם׃

טרף נפשו באפו הלמענך תעזב ארץ ויעתק צור ממקמו׃

הן ידעתי מחשבותיכם ומזמות עלי תחמסו׃

כי תאמרו איה בית נדיב ואיה אהל משכנות רשעים׃

הלא שאלתם עוברי דרך ואתתם לא תנכרו׃

הלאל יסכן גבר כי יסכן עלימו משכיל׃

החפץ לשדי כי תצדק ואם בצע כי תתם דרכיך׃