פסוקים על Self-Righteousness

הן אתה נקרא בשם יהודי ונשענת על התורה והתהללת באלהים׃

וידעת הראוי ובהיותך מלמד בתורה תבין בין טוב לרע׃

ובטחת בנפשך להיות מוליך העורים ואור להלכים בחשך׃

מיסר לחסרי לב ומורה הפתאים ויש לך צורת המדע והאמת בתורה׃

יען אשר ממעשי התורה לא יצדק לפניו כל בשר כי על ידי התורה דעת החטא׃

ועתה איה ההתהללות הלא נשבתה ועל ידי תורת מה העל ידי תורת המעשים לא כי על ידי תורת האמונה׃

כי את צדקת אלהים לא ידעו ויבקשו להקים את צדקתם ובעבור זאת לצדקת אלהים לא נכנעו׃

וכי תאמר הלא נקפו הענפים למען ארכב אנכי׃

כן הוא המה נקפו על אשר לא האמינו ואתה הנך קים על ידי האמונה אל תתגאה כי אם ירא׃

כי האלהים אם לא חס על הענפים הנולדים מן העץ אולי לא יחוס גם עליך׃

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים׃

והמתהלל יתהלל ביהוה׃

כי לא המשבח נפשו משבח הוא כי אם אשר ישבחנו יהוה׃

כי החשב את עצמו להיות מה ואיננו מאומה את נפשו הוא מרמה׃

אך היתרנות האלה כלן חשבתי לי לחסרנות למען המשיח׃

וגם עודני חשב את כלן לחסרון לעמת מעלת ידיעת ישוע המשיח אדני אשר בעבורו חסרתי את נפשי מכל אלה ואחשבם לסחי להרויח את המשיח ולהמצא בו׃

ולא תהיה לי צדקתי מתוך התורה כי אם באמונת המשיח הצדקה הבאה מאת האלהים באמונה׃

לדעת אתו ואת גבורת תחיתו והתחברות ענוייו ולהדמות למותו׃

כי אמרת אך עשרתי מצאתי און לי ולא חסרתי כל ולא ידעת כי אמלל אתה ודוי ועני ועור וערם׃

אני איעצך לפנות מאתי זהב צרוף באש למען תעשיר ובגדים לבנים למען תתכסה בהם ולא תראה בשת ערותות ולמשח עיניך קלורית למען תראה׃