פסוקים על Salvation

ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב׃

לישועתך קויתי יהוה׃

ויסעו מהר ההר דרך ים סוף לסבב את ארץ אדום ותקצר נפש העם בדרך׃

וידבר העם באלהים ובמשה למה העליתנו ממצרים למות במדבר כי אין לחם ואין מים ונפשנו קצה בלחם הקלקל׃

וישלח יהוה בעם את הנחשים השרפים וינשכו את העם וימת עם רב מישראל׃

ויבא העם אל משה ויאמרו חטאנו כי דברנו ביהוה ובך התפלל אל יהוה ויסר מעלינו את הנחש ויתפלל משה בעד העם׃

ויאמר יהוה אל משה עשה לך שרף ושים אתו על נס והיה כל הנשוך וראה אתו וחי׃

ויעש משה נחש נחשת וישמהו על הנס והיה אם נשך הנחש את איש והביט אל נחש הנחשת וחי׃

וישמן ישרון ויבעט שמנת עבית כשית ויטש אלוה עשהו וינבל צור ישעתו׃

ותתן לי מגן ישעך וענתך תרבני׃

חי יהוה וברוך צורי וירם אלהי צור ישעי׃

מגדיל ישועות מלכו ועשה חסד למשיחו לדוד ולזרעו עד עולם׃

שירו ליהוה כל הארץ בשרו מיום אל יום ישועתו׃

ועתה קומה יהוה אלהים לנוחך אתה וארון עזך כהניך יהוה אלהים ילבשו תשועה וחסידיך ישמחו בטוב׃

ליהוה הישועה על עמך ברכתך סלה׃

שובה יהוה חלצה נפשי הושיעני למען חסדך׃

למען אספרה כל תהלתיך בשערי בת ציון אגילה בישועתך׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

¶ למנצח מזמור לדוד יהוה בעזך ישמח מלך ובישועתך מה יגיל מאד׃

הדריכני באמתך ולמדני כי אתה אלהי ישעי אותך קויתי כל היום׃

והרק חנית וסגר לקראת רדפי אמר לנפשי ישעתך אני׃

ותשועת צדיקים מיהוה מעוזם בעת צרה׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

ישישו וישמחו בך כל מבקשיך יאמרו תמיד יגדל יהוה אהבי תשועתך׃

השיבה לי ששון ישעך ורוח נדיבה תסמכני׃